گه‌ڕان

Shadow Shadow
سیاسه‌تی

سائرون لەپێكهاتەى كابينەكەى كازمى ناڕازيە و شيعەكانيش فوئاد حسێن ڕەتدەكەنەوە

2020.04.23 - 20:50
App store icon Play store icon Play store icon
سائرون لەپێكهاتەى كابينەكەى كازمى ناڕازيە و شيعەكانيش  فوئاد حسێن  ڕەتدەكەنەوە

ناس کورد-

 

هاوپەيمانى سائرون كە موقتەدا سەدر، ڕێبەرى ڕەوتى سەدر سەرۆكايەتى دەكات ڕەخنە لەو ناوەكانى كابينەكەى مستەفا كازمى ڕاسپێردراو بۆ پێكهێنانى حكومەت دەگرێت كە بڵاوكراونەتەوەو پێى وايە كە ناوبراو ئاليەتێكى ڕونى پەيڕەو نەكردوە لە ديارى كردنى ناوەكان، هاوکات لایەنە شیعییەکانیش فواد حسێن ڕەتدەکەنەوە بۆ وەزیری دارایی.

،

کەناڵی ناس کورد لە تێلیگرام جۆین بکە   

بەدر زيادى، پەرلەمانتارى هاوپەيمانێتيەكە دەڵێت، كازمى ئاليەتێكى ڕونى بۆ دياریكردنى ناوى پاڵێوراوانى وەزارەتەكانى حكومەتەكەى پەيڕەو نەكردوە، ئەو ناوانەى پێشنيار كراون ئەستەمە تێپەڕێنرێن لەناو پەرلەماندا، چونكە لە ئەنجامى پەستانى حزبەكان بۆ سەر ناوبراو دانراون.

،

ليستێك بە 17 ناوەوە بۆ وەرگرتنى وەزارەتەكانى حكومەتەكەى مستەفا كازمى بڵاوكراوەتەوە كە ئەو ناوانەى پێشكەشى كوتلە سياسيەكان كردوە لە كۆبونەوەى ليژنەى حەوتى (لايەنەكانى ماڵى شيعى) كە ڕۆژى چوارشەممە لەماڵى هادى عامرى، سەرۆكى هاوپەيمانى فەتح لەشارى بەغدا ئەنجام درا.

،

تائێستا ليستەكە بەشێوەيەكى فەرمى پشتڕاست نەكراوەتەوە و تێيدا ناوەكانى فوئاد حسێن وەك وەزيرى دارايى و جەعفەر عەلاوى وەك وەزيرى تەندروستى لەجێگەى خۆيان دانراونەتەوە لە حكومەتى داهاتودا.

،

بەپێى ليستەكە تائێستا هيچ كەسێك بۆ وەزارەتەكانى "ناوخۆ، بەرگرى، بازرگانى، گەنجان و كۆچ" ديارى نەكراون و دياریكردنى پاڵێوراو بۆيان دواخراوە، بەپێى زانياريەكانيش ئەو هێزە شيعيانەى لەماڵكى عامرى كۆبونەتەوە ڕەزامەنديان لەسەر ئەوە نيشاندانەوە كە وردەكارى بۆ ناوەكان بكەن و لەماوەى 48 كاتژمێردا وەڵامى كازمى بدەنەوە.

،

تائێستاش هيچ هەڵوێستێكى فەرمى لەلايەن فراكسيۆنە كوردى و سونيەكانەوە سەبارەت بە ناوەكان ڕانەگەيەنراوە، بەڵام هەندێك لايەنى شيعە چەندين لێدوانيان داوەو ناوى "فوئاد حسێن" وەك وەزيرى دارايى ڕەتدەكەنەوە.

،

لاى خۆيەوە ئاژانسى هەواڵى فەرمى بڵاويكردوەتەوە، كوتلە شيعيەكان بە مستەفا كازميان ڕاگەياندوە كە ڕەتيدەكەنەوە "فوئاد حسێن" لە كابينەى نوێ پۆستى وەزيرى دارايى وەربگرێتەوە.

،

لاى خۆشيەوە محەمەد غوبان، سەرۆكى فراكسيۆنى فەتح كە لە كۆمارى ئێرانەوە نزيكە لە هەژماری خۆى لەتۆڕى كۆمەڵايەتى تويتەر ئاماژەى بەوەداوە، كازمى كابينەى وەزارەتەكەى بەشێوەيەكى ناتەواو پێشكەش كردوە.

،

رونيشيكردوەتەوە، كوتلە سياسيەكان ئاليەتى دياریكردن و دانانى وەزيرەكان لەلايەن كازميەوە هەڵدەسەنگێنن، ئەوەش بەگوێرەى ئەو ڕێكەوتنانەى كراون.

،

كۆتا وادەى مستەفا كازمى بۆ پێشكەشكردنى كابينەكەى لە پەرلەمان 8\5\2020 ە تا دەنگى پێبدرێت و دواى وەرگرتنى متمانە لەجێگەى كابينەكەى عادل عەبدولمەهدى سەرۆك وەزيرانى دەستلەكاركێشانەوە دەستبەكار بێت.