تڕەمپ لەبارەى ڕەوانەکردنى مانگى دەستکردى ئێرانى: ئەو کارە هەر بۆ تەلەفزیۆنە و کەس باوەڕى پێ ناکات

 

ناس کورد- 

دوای بڵاوكردنەوەی هەواڵی ڕەوانەكردنی مانگی دەستكردی ئێرانی بۆ بۆشاییەكانی ئاسمان لەلایەن سوپای پاسدارانەوە، سەرۆکى ئەمریکا رایگەیاند، بەدواداچونیان بۆ كردووە، ئەو كارە تەنها بۆ پیشاندانی تەلەفزیۆنە و كەس باوەڕ بەوە ناكات.

 

کەناڵی ناس کورد لە تێلیگرام جۆین بکە   

 

لەكۆنگرەیەكی ڕۆژنامەوانیدا، دۆناڵد تڕەمپ، سەرۆكی ئەمریكا ئاماژەى بەوە کرد :"زۆر نزیكین لەئێرانەوە و چاودێرییان دەكەین، لەخۆشیان زیاتر لەبارەی كارووبارەكانیانەوە دەزانین".

.

تڕەمپ لەسەر مانگی دەستكردی نوری سوپای پاسداران ڕوونیكردەوە:" دەزانم دەیەوێت بفڕێت، ئێمە زۆر لەنزیكەوە بەدواداچوونمان بۆ كرد، دەڵێن تەنها بۆ تەلەفزیۆنە، كەسێك هەیە باوەڕ بەوە بكات..؟"

.

وتەكاتی تڕەمپ دوای ئەوە هات، دوێنێ (چوار شەممە، 22ی نیسانی 2020)، سوپای پاسدارانی كۆماری ئیسلامی ڕایگەیاند" بەرەبەیانی ئەمڕۆ یەکەمین مانگی دەستکردی ئێرانی بەناوی نور ڕەوانەی بۆشایی ئاسمان کراوە و بە سەرکەوتویی لە خولگەى 425 کیلۆمەتری زەویدا جێگەی گرتووە".

.