گه‌ڕان

Shadow Shadow
سیاسه‌تی

ناکۆکى لایەنە سیاسیەکان بۆ بەدەستهێنانى وەزارەتە سیادییەکان دەستى پێکرد..لایەنێک هەڕەشەى کشانەوە دەکات

2020.04.21 - 14:50
App store icon Play store icon Play store icon
ناکۆکى لایەنە سیاسیەکان بۆ بەدەستهێنانى وەزارەتە سیادییەکان دەستى پێکرد..لایەنێک هەڕەشەى کشانەوە دەکات

ناس کورد-

سەرچاوەیەکی سیاسی عێراقی ئاگادار، ئاشکرایکرد، ناکۆکییەکانی لایەنە سیاسییەکانی عێراق بەردەوامە لەسەر بەدەستهێنانی وەزارەتە سیادییەکانی ناو کابینەکەی مستەفا کازمی، سەرۆکوەزیرانی ڕاسپێدرا. 

.

کەناڵی ناس کورد لە تێلیگرام جۆین بکە   

 

بەگوێرەی میدیا عێراقییەکان، سەرچاوەیەکی سیاسی عێراقی نزیک لە دانوستانەکانی پێکهێنانی حکومەتی نوێی عێراق، ڕایگەیاندووە :"ناکۆکییەکانی لایەنە سیاسییەکانی عێراق بەردەوامە  لەسەر بەدەستهێنانی وەزارەتە سیادییەکانی ناو کابینەکەی مستەفا کازمی، سەرۆکوەزیرانی ڕاسپێدراو، هاوکات لایەنێکی سیاسیش هەڕەشەی کشانەوەی لە دانوستانەکانی پێکهێنانی حکومەتی نوێ کردووە".

.

ئەو سەرچاوە سیاسیە عێراقییە باسی لەوە کردووە، ناکۆکییەکانی لایەنە سیاسییەکان چڕبوونەتەوە لەسەر کارنامەی حکومەتی داهاتو و وەزارەتە سیادییەکان وەک وەزارەتەکانی دەرەوە، بەرگری، ناوخۆ، دارایی و پلاندانان و ئەو کەسانەی کە بەربژێرکراون بۆ وەرگرتنی ئەو وەزارەتانە.

.

 ئاماژە بەوەشکراوە، لە ئێستادا لایەنە کوردییەکان پێداگری دەکەن لەسەر مانەوەی فوئاد حسێن، وەزیرى دارایی ئێستا لە پۆستەکەی.

.

لە هەمانکاتدا ئاماژە بەوەشکراوە، لایەنێکی دیار کە یەکێک بووە لەو هێزانەی کە پشتگیریان لە بەربژێرکردنی کازمی کردووە ئێستا هەڕەشەی کشانەوە لە وتوێژەکانی تایبەت بە پێکهێنانی کابینەی داهاتو دەکات.

.

ئەو سەرچاوە سیاسییە ئەوەشی خستووەتە ڕوو، بنەمای سیاسەتی پشک پشکێنە، ڕەنگدانەوەیەکی ڕوون و ئاشکرای هەیە لەسەر وتووێژەکانی تایبەت بە پێکهێنانی کابینەکەی کازمی، بەشێکی زۆر لە لایەنەکانی ناو پڕۆسەی سیاسی عێراق بەشێوەیەکی ئاشکرا داوای پشکەکانیان دەکەن لە حکومەتی داهاتوودا.

.

 لای خۆشییەوە ئەو سەرچاوە سیاسییە ، داوای کردووە، لایەنەکان دەستبەرداری سیاسەتی پشک پشکێنە بن بۆ ئەوەی دەرفەتێکی باش بۆ کازمی بڕەخسێنن تا بتوانێت حکومەتەکەی پێکبهێنێت بۆ ئەوەی زەمینەسازی بۆهەڵبژاردنەکانی داهاتووی عێراق بکات.

.