گه‌ڕان

Shadow Shadow
سیاسه‌تی

ژمارەیەک هاووڵاتی عێراقی لەسەر سنوری نێوان عێراق و تورکیا گیریانخواردووە

2020.04.21 - 13:06
App store icon Play store icon Play store icon
ژمارەیەک هاووڵاتی عێراقی لەسەر سنوری نێوان عێراق و تورکیا گیریانخواردووە

 

ناس کورد-

 ماوەی چەند ڕۆژێکە ژمارەیەک هاووڵاتی عێراقی لە دەروازەی سنوری ئیبراهیم خەلیل لەسەر سنوری نێوان عێراق و تورکیا گیریانخواردەوە و ڕێگەیان پێنادرێت بێنە ناو خاکی عێراقەوە.

.

کەناڵی ناس کورد لە تێلیگرام جۆین بکە   

 

چالاکوانانی مەدەنی عێراقی لە توڕە کۆمەڵایەتییەکان وێنەی ئەو هاووڵاتییە عێراقییانەیان بڵاوکردووە کە ماوەی 10 ڕۆژە لە دەروازەی سنوری ئیبراهیم خەلیل لەسەر سنوری وڵاتی تورکیا گیریانخواردوە و لەلایەن هێزە ئەمنییەکانی عێراقەوە ڕێگەیان پێنادرێت بێنە ناو خاکی هەرێمی کوردستانەوە بە بیانوى ئەوەی ئەوان دانیشتووی شارەکانی هەرێمی کوردستان نین.

 .

بەگوێڕەی زانیارییەکانی چالاکوانانی مەدەنی ئەو هاووڵاتییە عێراقییانە زۆربەیان خەڵکی پارێزگاکانی، بەغدا، سەڵاحەدین، موسڵ و دیالەن، ولە ئێستاشدا لە دۆخێکی ناهەمواردا دەژین بەهۆی سەرماو سۆڵە ونەبوونی خۆراکی پێویست.

.

لە گرتە ڤیدیۆیەکدا کە لە تۆڕە کۆمەڵایەتییەکان بڵاوبووەتەوە یەکێک لەو هاووڵاتیانەی کە لەسەر سنوری تورکیا گیریانخواردوە دەڵێت  "هێزە ئەمنییەکان ڕێگری لێکردون بێنە ناو خاکی عێراقەوە بەبیانوی ئەوەی دانیشتووی شارەکانی هەرێمی کوردستان نین، بۆیە ماوەی چەند ڕۆژێکە لەسەر سنوری تورکیا گیریانخواردوە و ماندوبوونێکی زۆریان چەشتووە، و تائێستاش بە هیچ شێوەیەک لەلایەن دەسەڵاتدارانی عێراقەوە وەڵامیان نەدراوەتەوە".

.

بەهۆی ڕێکارەکانی خۆپارێزی لە ڤایرۆسی کۆرۆنا حکومەتی عێراق سنورەکانی بەڕووی هاتوچۆی هاووڵاتیانی بیانیدا داخست وتەنها ڕێگەی بە هاتنەوەی هاوڵاتیانی عێراقی دا کە لە دەرەوەی وڵاتن.

 .

لە ئێستادا هاوڵاتیانی عێراق لەسەر سنورەکانى نێوان عێراق و وڵاتانی دراوسێ گیریانخواردووە و ناتوانن بێنە ناو خاکی وڵاتەکەیانەوە، بەڵام بەگوێرەی زانیارییەکان تائێستا شاندە سیاسییەکان و ئاینییەکانی وڵاتی ئێران بەردەوامن لە هاتنە ناوەوەی خاکی عێراق سەرباری بڕیاری داخستنی سنورەکان لە لایەن حکومەتی عێراقەوە بە هۆی بڵاوبوونەوەی پەتای کۆرۆنا.   

 

.