گه‌ڕان

Shadow Shadow
سیاسه‌تی

یەکەم قسەى ترەمپ لەسەر داڕوخانى نرخى نەوتى وڵاتەکەى

2020.04.21 - 09:05
App store icon Play store icon Play store icon
یەکەم قسەى ترەمپ لەسەر داڕوخانى نرخى نەوتى وڵاتەکەى

 

ناس کورد-

دۆناڵد ترەمپ، سەرۆکى ئەمریکا بەشێوەیەکى کورت قسەى لەسەر داڕوخانى گەورەى نرخى نەوتى وڵاتەکەى کرد، دواى ئەوەى بۆ یەکەمجار لە مێژوودا بۆ ٣٥ دۆلارى خوار سفر دابەزى.

.

کەناڵی ناس کورد لە تێلیگرام جۆین بکە   

 

ترەمپ بەرەبەیانى ئەمڕۆ (سێشەممە) لە کۆنگرەیەکى رۆژنامەوانیدا لە کۆشکى سپى وتى "ئاگادارى بارودۆخى 75 ملیۆن بەرمیل نەوتى یەدەگى ئەمریکاین کە پلان بۆ پڕبوونى ئاستى نەوتى کۆگاکراو دانراوە بەنرخێکى باش".

.

وتیشى "ئیدارەکەم دەیەوێت ئابورى ئەمریکا بکاتەوە بەشێوەیەکى بەرپرسیارانە".

.

ترەمپ دابەزینى نرخى نەوتى وڵاتەکەى بە "کورت مەودا" ناوبرد کە بەوتەى ئەو بەهۆى فشارى ئابورییەوە بووە.

.

باسى لەوەشکرد، کۆشکى سپى تاوتوێی راگرتنى هاوردەکردنى نەوت لە سعودیەوە دەکات، هەروەها ئامادەن نەوتى زیاتر کۆگا بکەن بۆ حاڵەتى لەناکاو، لەگەڵ دابەزینى نرخەکەیدا.

.

ترەمپ هیواى خواست سبەینێ ئەنجومەنى پیران دەنگبدات لەسەر پلانى دیکەى ئابورى.

.

شەوى ڕابردوو بۆ یەکەمجار لە مێژوودا نرخى نەوتى خاوى تەکساس بۆ ٣٥ دۆلار خوار سفر دابەزى، ئەوەش واتە بەرهەمهێنەرانى نەوت ناچاردەبن پارە بدەنە کڕیاران تا لەدەست نەوتى کۆگاکراو رزگاریان بێت.

.

لەبارەى پەتاى کۆرۆناوە، ترەمپ ڕایگەیاند، ئەمریکا بەرەوپێشچونێکى باشى بەخۆوە بینیوە لەبارەى دابینکردنى ئامێرى هەناسەدانى دەستکرد و بەم نزیکانە یارمەتى مەکسیک و وڵاتانى دیکە دەدەن.

.