گه‌ڕان

Shadow Shadow
سیاسه‌تی

فەڕەنسا بووە چوارەم وڵات لەرووى زۆرى ژمارەى مردن بە کۆرۆنا

2020.04.20 - 23:56
App store icon Play store icon Play store icon
فەڕەنسا بووە چوارەم وڵات لەرووى زۆرى ژمارەى مردن بە کۆرۆنا

ناس كورد-

ئامارى فەرمى مردووانى کۆرۆنا لە فەڕەنسا 20 هەزار کەسى تێپەڕاند، بەوەش بووە چوارەم دەوڵەت لەڕووى زۆرى ژمارەى مردووانەوە بەهۆى ئەو ڤایرۆسەوە دواى ئیتاڵیا و ئیسپانیا و ئەمریکا، هەروەها ژمارەى مردووان جارێکى تر بەرزبووەوە دواى چەند رۆژێک لە کەمبوونەوە.

کەناڵی ناس کورد لە تێلیگرام جۆین بکە   

 

.

جیروم سالومون بەرێوەبەرى دەستەى تەندروستى نیشتیمانى لە فەڕەنسا لە کۆنگرەیەکى رۆژنامەنوسیدا ڕایگەیاند "ژمارەى مردوان تا ئێستاش زۆرە و پەتاکە بەم زوانە لەناوناچێت".

.

وتیشى "ژمارەى مردووان 20 هەزار کەسى تێپەڕاندووە، کە زیاترە لە ژمارەى مردووان بەهۆى شەپۆلى گەرماى هاوینى 2003".

.

جیروم سالومون باسى لەوەشکرد، ژمارەى ئەو کەسانەى خراونەتە ژورى چاودێرى وردەوە، بۆ رۆژى 12 یەم لەسەریەک کەمبووەتەوە بۆ 5683 کەس.

.

 
سەرەڕاى ئەوەى بڕیاربوو فەرەنسا دەستبکات بە سوککردنى رێوشوێنەکانى قەدەغەى هاتوچۆ لە 11 ى ئایارەوە، بەڵام سالومون جەخت لە گرنگى قەدەغەى هاتوچۆ دەکاتەوە.
.
.

باسى لەوەشکرد ژمارەى مردووان بەرێژەى 2.8% بەرزبووەتەوە و گەیشتووەتە 20265 حاڵەت.