گه‌ڕان

Shadow Shadow
سیاسه‌تی

ئیدارەی ڕاپەڕین چەندین ڕێنمایی نوێی دەرکرد.. بازاڕ و دوکانەکان دەکرێنەوە

2020.04.18 - 17:35
App store icon Play store icon Play store icon
ئیدارەی ڕاپەڕین چەندین ڕێنمایی نوێی دەرکرد.. بازاڕ و دوکانەکان دەکرێنەوە

 

ناس کورد-

ژووری ئۆپەراسیۆنی ئیدارەی ڕاپەڕین بۆ ڕووبەڕووبوونەوەی پەتای کۆرۆنا چەندین بڕیاری نوێی دەرکرد و لە گرنگترینیاندا بڕیاریدا بە کردنەوەی بازاڕ و دوکانەکان.

،

کەناڵی ناس کورد لە تێلیگرام جۆین بکە   

بەگوێرەی ڕاگەیەندراوێکی ژووری ئۆپەراسیۆنی ئیدارەی ڕاپەڕین بۆ ڕووبەڕووبوونەوەی پەتای کۆرۆنا بڕیارە نوێیەکان لەبارەی ئاساییکردنەوەی ژیان و کردنەوەی شوێنە گشتییەکان ئەمانەن:

،

یەکەم / جگە لە کافتریا و چایخانە و قاوەخانە و هۆڵەکانى لەشجوانى و پارکە گشتى و تایبەتى و یاریگا و مزگەوت ، دوکان و بازاڕ  دەکرێتەوە بە مەرجی پەیڕەو کردنى سەرجەم رێنماییە تەندروستییەکان، وەک، بەکارهێنانى ماسک و دەسکێش و دروست نەکردنى قەرەباڵغى و جەنجاڵى و دووریی نێوان کەسەکان بە ئەندازەى دوو مەتر.

،

 

دووەم / خواردنگە و چێشتخانەکان دەکرێنەوە : ئەوانەى کە مۆڵەتى تەندروستییان هەیە و بەو مەرجەى کە گەڕۆک و سەرعارەبانە نەبن و خواردن بە دیلیڤەریی پێشکەش بکەن

،

سێیەم / پێشانگاکانى ئۆتۆمبیل ناکرێنەوە هەتا  لە  کۆبوونەوەى رۆژى 23 ى نیسان بڕیارێکیان بە پێی بارودۆخەکە لێ دەدەرێت

،

چوارەم / هەتا قەدەغەکردنى  هاتووچۆى نێوان شارەکان هەڵ نەگیرێت رێگە بە هۆکارەکانى گواستنەوەى گشتیی ( پاس و مینى پاس ) نادرێ کاربکەن.

،

 پێنجەم /  دەربارەى نۆرینگە پزیشکییەکان  بەڕێوەبەرایەتى گشتى تەندروستی راپەرین و و سەندیکاى پزیشکانى راپەرین هەماهەنگیی بۆ کردنەوە و رێکخستنەوەى کردنەوەیان دەکەن.

،

شەشەم / مەیدانەکان و هەفتەبازاڕەکان لەم قۆناغەدا هەر بەداخراویی دەهێڵرێنەوە و بوارى کردنەوەیان نادرێت.

،

حەوتەم / بڕیاى قەدەغەى هاتووچۆى نێوان شارەکان هەر  جێگیرە و هێزە ئەمتییەکان رێکارەکانى پێویست بۆئەم مەبەستە دەگرنەبەر

،

هەشتەم  / قائمقامییەت و سەرۆکى یەکە کارگێڕییەکان میکانیزمى پێویست بۆ ئاسایی کردنەوەى بارودۆخ و ژیانى خەڵک دەگرنەبەر و خۆیان سەرپشکن لەم کارەدا