گه‌ڕان

Shadow Shadow
سیاسه‌تی

بەیاننامەیەکى توند لە پارتییەوە: دانوستان لەگەڵ کازمى دەستیپێنەکردووە

2020.04.18 - 10:07
App store icon Play store icon Play store icon
بەیاننامەیەکى توند لە پارتییەوە: دانوستان لەگەڵ کازمى دەستیپێنەکردووە

ناس کورد-

فراکسیۆنى پارتى لە پەرلەمانى عێراق وەڵامى ئەو کەسانەى دایەوە کە داوادەکەن رێوشوێنەکانى بوونى کۆنتڕۆڵکردنى چەک لەلایەن بەغداوە پێشمەرگەش بگرێتەوە و جەختدەکاتەوە تا ئێستا دانوستانیان لەگەڵ ستەفا کازمى دەستپێنەکردووە. 

.

 

کەناڵی ناس کورد لە تێلیگرام جۆین بکە   

ئارام باڵەتەیی وتەبێژى فراکسیۆنى پارتى لە پەرلەمانى عێراق لە بەیاننامەیەکدا ڕایگەیاند "هەندێ لایەن و کەس دەرکەوتوون کە هەوڵدەدەن کارتەکان تێکەڵ بکەن و داوادەکەن رێوشوێنەکانى بوونى چەک تەنها لە دەستى دەوڵەت پێشمەرگەش بگرێتەوە".

.

وتیشى "پێشمەرگە شەرعیەتى دەستورى هەیە بەپێی بەندى پێنجەمى ماددەى ١٢١ى دەستور، ئەو کەسانەى ئەو داوایانە دەکەن بڕوایان بەدەستور نییە یان لێی تێناگەن".

.

وتەبێژى فراکسیۆنى پارتى جەختى لەسەر ئەوەکردووەتەوە کە ناتوانن میلى کاتژمێر بگەڕێننەوە دواوە، مافەکانى گەلى کوردستان شەرعیەتى دەستوریان هەیە و جێگەى سازش و سەفقەى سیاسی نین.

.

لەبارەى گفتوگۆکانى پێکهێنانى حکومەت، ئارام باڵەتەیی دەڵێت "هێشتا نەچونەتە ناو دانوستانەکانى پێکهێنانى حکومەتەوە لەبارەى وەزارەتەکان و ئەو کەسانەى کە ئەو پۆستانە دەگرنەدەست، ئەو بڕیارە لەهەرێم دەدرێت بە راوێژ لەگەڵ سەرۆکوەزیرانى ڕاسپێردراو، بەبێ قبوڵکردنى ئامۆژگارى هەر کەس و لایەنێک کە مەبەست و ئامانجیان ڕوونە".

.

ئەوە لەکاتێکدایە، مستەفا کازمى ڕاسپێردراو بۆ پێکهێنانى حکومەت هەفتەى ڕابردوو ڕایگەیاندبوو، کابینەکەى ئامادەیە و گفتوگۆ لەگەڵ لایەنەکان دەستپێدەکات بەمەبەستى تێپەڕاندنى کابینەکەى لە پەرلەمان.