ژاپۆن پارەيەكى زۆر دەداتە هاوڵاتيیان.. هەر کەسێک چەندى بەردەكەوێت؟

ناس کورد-

 

حكومەتى ژاپۆن بڕياريداوە كە بڕى 100 هەزار يەن (930 دۆلار) بداتە هەر هاوڵاتيەكى وڵاتەكەى ئەوەش لەچوارچێوەى رێوشوێنەکانى ڕوبەڕوبونەوەى ڤايرۆسى كۆرۆنا.

کەناڵی ناس کورد لە تێلیگرام جۆین بکە   

.

شينزۆ ئابى سەرۆك وەزيرانى ژاپۆن لە كۆنگرەيەكى ڕۆژنامەوانيدا ڕايگەياند، بەخێرايى ئەو بڕە پارەيە دەدەنە هەر هاوڵاتيەكى ژپۆنى كە بڕەكەى 100 هەزار يەنى ژاپۆنيە.

.

پلانى سەرەتا ئەوەبوو بڕێك پارە كە سێ هێندەى ئەو 930 دۆلارە بوو بدرێت بەو خێزانانەى كە بەهۆى بڵاوبونەوەى ڤايرۆسەكە و لەماڵەوە ماونەتەوە و سەرچاوەى داهاتيان لەدەستداوە، بەڵام ئەو پلانە هەڵوەشێنرايەوەو سەرۆك وەزيرانى ژاپۆن داواى لێبوردنى كرد.

.

لەچاو ولايەتە يەكگرتوەكانى ئەمريكا و زۆرينەى وڵاتانى ئەوروپا، ژاپۆن ڕێژەيەكى كەمتر توشبوو و گيانلەدەستدانى بە ڤايرۆسى كۆرۆنا تۆمار كراوە، تائێستا زياتر لە 9000 توشبوو و 190 گيان لەدەستدانى تۆمار كردوە.

.

سەرەتا سەرۆك وەزيرانى ئەو وڵاتە بارى لەناكاوى لە 7 ناوچەى وڵاتەكەى ڕاگەياند، بەڵام دواتر بارى لەناكاو بۆ سەرجەم ناوچەكانى ئەو وڵاتە درێژكرايەوە.

.

تەنانەت پێش بڵاوبونەوەى ڤايرۆسى كۆرۆنا ئابورى ژاپۆن لە پاشەكشەدا بوو، ڤايرۆسەكەش ئەوەندەى تر پاشەكشەى بە ئابورى ئەو وڵاتە كرد، هەروەها ئۆڵۆمپادى 2020 ى پەكين كە وەك هۆكارێكى گرنگ بۆ گەشەسەندنى ئابورى ئەو وڵاتە دادەنرا بەهۆى ڤايرۆسەكەوە دواخرا.

.

 مانگى ڕابردووش سەرۆك وەزيرانى ئەو وڵاتە بڕى يەك مليار دۆلارى پاراستنى پيشە و بەهێزكردنى كەرتى پزيشكى و كەمكردنەوەى مەينەتيەكانى هاوڵاتيان ڕاگەياند.