تورکیا؛ مردن بەهۆى کۆرۆناوە بۆ ئاستێکى پێوانەیی بەرزبووەوە

ناس كورد-

تورکیا ژمارەیەکى نوێی پێوانەیی تۆمارکرد لە زیادبونى حاڵەتەکانى مردن بەهۆى کۆرۆناوە، بەڵام ئامارى توشبوون بەو ڤایرۆسە بەڕێژەیەکى بەرچاو رووى لەکەمبوونەوە کرد.

کەناڵی ناس کورد لە تێلیگرام جۆین بکە   

.

فەخرەدین ئۆجە وەزیرى تەندروستى تورکیا ڕایگەیاند "لە ٢٤ کاتژمێرى ڕابردوودا ١٢٦ حاڵەتى نوێی مردن بە کۆرۆنا تۆمارکراون، بەوەش ژمارەکە بۆ ١٧٦٩ مردوو بەرزبووەوە، ئەوەش ژمارەیەکى نوێی پێوانەییە لە تورکیا".

.

وتیشى "٤٣٥٣ حاڵەتى دیکەى توشبوون بە کۆرۆنا تۆمارکراون، بەوەش ژمارەى توشبووان بۆ ٧٨٥٤٦ کەس بەرزبوەوە".

.

وەزیرى تەندروستى تورکیا باسى لەوەشکرد، ژمارەى ئەوانەى چاکبوونەتەوە لە زیادبوندان، ١٥٤٢ کەسى دیکە چاکبونەتەوە، ئەوەش ئاستێکى پێوانەییە و ژمارەکە گەیشتووەتە ٨٦٣١ کەس کە چاکبووەتەوە".

.

"هاوسەنگى هەیە لەنێوان ژمارەى توشبووان لە نەخۆشخانە لەگەڵ ئەوانەى چاکبوونەتەوە، کەمبونەوەى ژمارەى توشبووانیش بەو ئاستەیە کە پێشبینیماندەکرد".

.

وەزیرى تەندروستى تورکیا هەروەها هۆشداریدایە هاوڵاتیان کە پابەندى رێوشوێنەکان بن، بۆ ئەوەى شەپۆلێکى دیکەى کۆرۆنا روو لە وڵاتەکەیان نەکات.