گه‌ڕان

Shadow Shadow
سیاسه‌تی

ژمارەى توشبووانی کۆرۆنا لە ئیسپانیا بازی دا بۆ 188 هەزار کەس

2020.04.17 - 14:09
App store icon Play store icon Play store icon
ژمارەى توشبووانی کۆرۆنا لە ئیسپانیا بازی دا بۆ 188 هەزار کەس

ژمارەى ئەو کەسانەى لە ئیسپانیا توشی ڤایرۆسی کۆرۆنا بوون بەرزبووەوە بۆ 188 هەزار و 68 توشبوو.

کەناڵی ناس کورد لە تێلیگرام جۆین بکە   

فێرناندۆ سیمۆن، سەرۆکى بەشی لەناکاوی تەندروستی لە کۆنفرانسێکی ڕۆژنامەنوسیدا ڕایگەیاند، لە پێنجشەممە تاوەکو هەینی، تیمە تەندروستییەکان پێنج هەزار و 525 توشبووی نوێیان دەستنیشانکردووە، واتە ئاماری توشبووانی ڕۆژانە بەڕێژەى 2.9% زیادیکردووە.

هەروەها ژمارەی مردووانیش زیادی کردووە و گەیشتووەتە 19 هەزار و 315 کەس.

چەند وڵاتێکی ئەوروپی تر وەک ئیتاڵیا و بەریتانیا وئەڵمانیا و فەڕەنسا بە توندی کەوتوونەتە بەر هێرشی کۆرۆنا، ژمارەى توشبووان لە کیشوەری ئەوروپا گەیشتووەتە یەک ملیۆن و 23 هەزار توشبوو، ژمارەى مردووانیش بۆ 92 هەزار کەس بەرزبووەتەوە کە سێ بەشی ژمارەى گشتیی مردووان دەکات لە جیهاندا.

هاوکات لە جیهاندا ژمارەى توشبووان گەیشتووەتە دوو ملیۆن و 193 هەزار و 666 کەس، ژمارەى مردووانیش گەیشتووەتە 147 هەزار و 384 کەس.