گه‌ڕان

Shadow Shadow
سیاسه‌تی

تائێستا چەند كەس فۆڕمى وەرگرتنى پارەى حكومەتى پڕ كردوەتەوە؟

2020.04.16 - 17:49
App store icon Play store icon Play store icon
تائێستا چەند كەس فۆڕمى وەرگرتنى پارەى حكومەتى پڕ كردوەتەوە؟
ناس کورد- وەزارەتى كارى حكومەتى عێراق ئاشكرايكرد، تائێستا زياتر لە دوو مليۆن و 500 هەزار خێزان فۆرمى وەرگرتنى پارەى پشتگيرى حكومەتيان بۆ خێزانە شايستەكان پڕكردوەتەوە. ، لە ڕاگەیەندراوێکدا وەزارەتى كار بڵاويكردوەتەوە، زياتر لە دوو مليۆن و نيو خێزانى عێراقى فۆرمى وەرگرتنى پارەى پشتگيرى حكومەتيان بۆ خێزانە شايستەكان پڕ كردوەتەوە، هەروەها لەڕێگەى ژمارەى تەلەفۆنەكانەوە كە لە فۆڕمەكەدا داخڵيان كردوە پەيوەندى بەو خێزانانەوە دەكەن كە شايستەن بۆ وەرگرتنى ئەو پارەيە. ، ئەو وەزارەتە ئەوەشى ڕونكردوەتەوە، ژمارەى ئەندامانى سەرجەم ئەو خێزانانەى كە فۆڕمەكەيان پڕ كردوەتەوە زياترە لە 12 مليۆن و 300 هەزار كەس، هەروەها ژمارەى نامە نێردراوەكان كە تەئكيد لە چونە ناو فۆڕمەكە دەكەنەوە گەيشتوەتە زياتر لە 11 مليۆن نامە. ، لە رۆژى 11ى ئەم مانگە ليژنەى باڵاى تەندروستى و سەلامى نيشتمانى ڕايگەياند، كە مينحەيەكيان بۆ ئەو هاوڵاتيانە دابين كردوە كە شايستەن و مينحەكە پشتگيرى حكومەتە، ئەوەش بەهۆى ئەوەى ژمارەيەكى زۆر هاوڵاتى بەهۆى ڕێوشوێنەكانى ڤايرۆسى كۆرۆناوە كارى ڕۆژانەيان لەدەستداوە و سەرچاوەى ترى داهاتيان نييە.

کەناڵی ناس کورد لە تێلیگرام جۆین بکە