گه‌ڕان

Shadow Shadow
سیاسه‌تی

ڕێكخراوى تەندروستى جيهان وەڵامى ترامپ دەداتەوە

2020.04.15 - 23:16
App store icon Play store icon Play store icon
ڕێكخراوى تەندروستى جيهان وەڵامى ترامپ دەداتەوە
  ناس کورد- تيدوروس ئەدهانۆم گيبريسوس سەرۆكى ڕێكخراوى تەندروستى جيهانى دەڵێت، بڕيارى دۆناڵد ترامپ سەرۆكى ولايەتە يەكگرتوەكانى ئەمريكا بۆ وەستاندنى پارەى ڕێكخراوەكە جێى داخە و لەگەڵ هاوبەشەكانيان كار دەكەن بۆ پڕكردنەوەى كەموكورتيەكە. . تيدوروس لە لێدوانێكدا ئاماژەى بەوەداوە، بڕيارى بڕينى پارەى ئەمريكا بۆ ڕێكخراوەكە لە لايەن دۆناڵد ترامپەوە جێى داخە، لەگەڵ هاوبەشەكانماندا كاردەكەين بۆ پڕكردنەوەى ئەو كورتهێنانە و ڕێگەگرتن لە دروستبونى هەر بارودۆخێك لە كارەكانماندا.   ڕۆژى سێ شەممەى رابردوو  دۆناڵد ترامپ سەرۆكى ئەمريكا ڕايگەياند، ڕێنمايى بۆ ئيدارەكەى دەركردوە كە پارەى ئەمريكا بۆ ڕێكخراوى تەندروستى جيهانى ببڕن، ئەوەش بەهۆى شێوازى مامەڵەكردنى ئەو  ڕێكخراوە لەگەڵ ڤايرۆسى كۆرۆنادا. . ئاماژەى بەوەشدا، ڕێكخراوى تەندروستى جيهانى لە ئەركەكەى شكستى هێنا و پێويستە لێپرسينەوەى لێ بكرێت، زانياريە ناڕونەكانى چين لەسەر ڤايرۆسەكە بونە هۆى ئەوەى كە زۆر بەخێراتر لەوەى كە دەبوو ڕوبدات بڵاوببێتەوە.   بڕيارەكەى ترامپ بۆ وەستاندنى پارەى ئەمريكا بۆ ڕێكخراوى تەندروستى جيهانى ڕەخنەيەكى زۆرى بەدواى خۆيدا هێنا، لەوانەش "ئەنتۆنيۆ گۆتيريس" ئەميندارى گشتى ڕێكخراوى نەتەوە يەكگرتوەكان وتى "ئێستا كاتى كەمكردنەوەى داهاتەكان نييە، چونكە ئەو ڕێكخراوە نێودەوڵەتيە لە شەڕى دژى ڤايرۆسى كۆرۆنادايە". . لاى خۆشيەوە "جۆزێف بۆريڵ" وەزيرى دەرەوەى يەكێتى ئەوروپا وتى "زۆر جێى داخە كە ئەمريكا هاوكاريەكانى بۆ ڕێكخراوى تەندروستى جيهانى وەستاندوە، ئەو بڕيارە هيچ بيانويەكى نييە".   لەلايەكى ترەوە "هايكۆ ماس" وەزيرى دەرەوەى ئەڵمانيا لە ئەكاونتى خۆى لەتۆڕى كۆمەڵايەتى تويتەر نوسيويەتى، "لۆمەكردن سودى نييە ئێستا، پێويست هاوكارى يەكتر بكەين دژى ڤايرۆسى كۆرۆنا، باشترين وەبەرهێنانيش بەهێزكردنى نەتەوە يەكگرتوەكان، بەتايبەتى ڕێكخراوى تەندروستى جيهانى كە كێشەى كەمى پارەى هەيە بۆ گەشەپێدان و دابەشكردنى پێداويستيەكانى پشكنين و ڤاكسين". . لاى خۆشيەوە وڵاتى چين كە بەشێك بوو لە ڕەخنەكانى ترامپ وەڵامى داوەتەوەو تەئكيدى كردوەتەوە كە پەكين پابەند دەبێت بە ئەركەكانيەوە بەرامبەر ڕێكخراوەكە.   "شاو ليجيان" وتەبێژى وەزارەتى دەرەوەى چين سەبارەت بەوەى كە ئايا وڵاتەكەى ئەو كورتهێنانە پڕ دەكاتەوە وتى، "چين بەگوێرەى پێداويستيەكان لەو بابەتە دەكۆڵێتەوە"، ئاماژەى بەوەشدا كە ڤايرۆسى كۆرۆنا كە زياتر لە دوو مليۆن كەسى لەجيهاندا توشكردوە گەيشتوەتە قۆناغێكى ئيجراجەوە و بڕيارەكەى واشنتۆن كاريگەرى لەسەر سەرجەم دەوڵەتانى جيهان دادەنێت. .

کەناڵی ناس کورد لە تێلیگرام جۆین بکە