گه‌ڕان

Shadow Shadow
سیاسه‌تی

بۆردومانی تورکیا کارێکی دوژمنکاریە و هیچ پاساوێک هەڵناگرێت

جێگرى سەرۆکى پەرلەمانى عێراق سەرکۆنەى هێرشى تورکیا بۆ سەر کەمپى مەخمور دەکات

2020.04.15 - 21:12
App store icon Play store icon Play store icon
جێگرى سەرۆکى پەرلەمانى عێراق سەرکۆنەى هێرشى تورکیا بۆ سەر کەمپى مەخمور دەکات
ناس کورد- جێگرى سەرۆکى پەرلەمانى عێراق سەرکۆنەى بۆردومانەکەى فڕۆکە جەنگییەکانى تورکیا بۆ سەر کەمپى مەخمور دەکات و بۆردومانەکەى تورکیا بەکارێکی دوژمنکارانە ناو دەبات کە هیچ پاساوێک هەڵناگرێت. .   لە راگەیەندراوى نوسینگەى رۆژنامەوانى جێگرى سەرۆکى پەرلەمانى عێراقدا هاتووە "بەڕێز حەسەن کەعبی، ئەندامی دەستەی سەرۆکایەتی ئەنجوومەنی نوێنەرانی عێراق ئەمڕۆ (چوارشەممە) ئیدانەی ئەو پێشێلکاریانەی کرد کە لەلایەن تورکیاوە کراوەتە سەر سەروەری ئاسمانی عێراق و هەستاوە بەکارێکی ئیستفزازکراوانە بە بۆردومانی کەمپی خێزانە ئاوارەکان لە نزیک مەخموور". . بەگوێرەى راگەیەندراوەکە "کەعبی داوای لەحکومەت و وەزارەتی دەرەوە کرد هەڵوێستێکی جدی و یەکلاکەرەوە دژ بەم هێرشە دوژمنکاریانە وەربگرێت کە هیچ پاساوێکی نیە، لە کاتێکدا کە وڵاتانی جیهان هەوڵەکانیان یەکخستووە و هەماهەنگی دەکەن بۆ بەڕەنگاربونەوەی پەتای کۆرۆنـا و ڕاگرتنی مەترسیەکانی". .

کەناڵی ناس کورد لە تێلیگرام جۆین بکە