گه‌ڕان

Shadow Shadow
سیاسه‌تی

کۆمێنتی سەیری بۆ هاتووە!

سەرکردەیەکی فەتح: ئەوەى لە جیهان دەگوزەرێت تۆڵەى خوایە بۆ کوشتنی سولەیمانی و موهەندیس

2020.04.15 - 15:38
App store icon Play store icon Play store icon
سەرکردەیەکی فەتح: ئەوەى لە جیهان دەگوزەرێت تۆڵەى خوایە بۆ کوشتنی سولەیمانی و موهەندیس
ناس کورد- سەرکردە و پەرلەمانتارێکی هاوپەیمانی فەتح ڕایگەیاند، ئەو قەیرانەی كە ئەمڕۆ ڕووی كردووەتە جیهان تۆڵەیەكی خوایە بەهۆی کوژرانی قاسمی سولەیمانی و ئەبو مەهدی موهەندیسەوەیە. . لە تویتێكیدا، فالح خەزعەلی، پەرلەمانتاری هاوپەیمانی فەتح و فەرماندەی كەتیبەكانی سەیدولوشوهەدا ڕایگەیاند، هۆكاری ئەو قەیرانەی كە ئێستا ڕوویكردووەتە جیهان تۆڵەیەكی خوایە بەهۆی كوژرانی قاسمی سولەیمانی و ئەبو مەهدی موهەندیسەوەیە، ئاماژەی بۆ ئەوەشكردووە، لەو كاتەوەی ئەوان كوژراون جیهان ئارامی بەخۆیەوە نەبینیووە. . ئەوەشی خستووەتەڕوو، "لە فەرمودەی پیرۆزدا هاتووە ڕێزی موسڵمان زیاتر لە ڕێزی کەعبە، خوای گەورە باڵندەی ئەبابیلی نارد بۆ پارێزگاریكردنی ماڵەكەی لە ئەبرەهە و سوپاكە، ئەى ئەبێت خوا بۆ تۆڵەی کوژرانی سەركردەكانی چی بکات!." . ئەو پەرلەمانتارە ئەوەشی خستووەتەڕوو، "100 ڕۆژ تێپەڕدەبێت و جیهان بەدەست ژانەكانیەوە دەناڵێنێت"، ئەوەش وەكو ئاماژەكردنێك بۆ ڕوداو و قەیرانەكانی دوای كوژرانی قاسمی سولەیمانی و ئەبو مەهدی مەهەندیس لەلایەن فڕۆكەكانی ئەمریكاوە لە مانگی كانوونی دووەمی ئەمساڵدا لە فڕۆكەخانەی نێو دەوڵەتی بەغدا كوژران. . لەسەر ئەو پۆستەشی، دەیان كۆمێنتی گاڵتەئامێزی جۆراوجۆی بۆ نوسراوە و پرسیاری ئەوەی لێدەكرێت كە خودا بۆچی تۆڵەی كردەوەیەكی ئەمریكا لە خەڵكی ئاسیا و ئوسترالیا و ئەمریكا دەكاتەوە؟

کەناڵی ناس کورد لە تێلیگرام جۆین بکە