گه‌ڕان

Shadow Shadow
سیاسه‌تی

وردەکاریی بۆردومانەکەى تورکیا بۆ سەر زینى وەرتێ.. شەهیدبوونى پێشمەرگە ڕەتدەکرێتەوە

2020.04.15 - 15:35
App store icon Play store icon Play store icon
وردەکاریی بۆردومانەکەى تورکیا بۆ سەر زینى وەرتێ.. شەهیدبوونى پێشمەرگە ڕەتدەکرێتەوە
ناس کورد-سابیر عبدالله لەماوەی كەمتر لە 24 كاتژمێری ڕابردودا فڕۆكە جەنگیەكانی توركیا چوار جار بۆردومانی زینى وەرتێیان كردووە و بەهۆیەوە زیان بە بەشێك لە ئۆتۆمبێل و بنکەى هێزەكانی پێشمەرگە گەیشووە، بەڵام زیانى گیانى نەبووە. . كوێستان ئەحمەد قائیمقامی قەزای ڕەواندز بە ناس كوردی وت " لەماوەی كەمتر لە 24 كاتژمێری ڕبردودا فڕۆكە جەنگیەكانی توركیا بۆردومانی چیای كارۆخ و زینى وەرتێ و چیای هەڵەموتیان كردووە و خۆشبەختانە جگەلە زیانی ماددی زیانی گیانی نەبووە ". . سەبارەت بەو دەنگۆیانەی كە کە باس لە شەهیدبوونى پیشمەرگەیەک دەکەن بەهۆى بۆردومانەکەوە، كوێستان ئەحمەد وتی "هیچ كەسێك لە هێزەكانی پێشمەرگە شەهید نەبووە و زیانەكانی بەنیسبەتی ئێمەوە تەنها ماددی بوون و زیانی گیانی نەبووە". . بۆردومانەکە دواى گرژییەکانى ئەم دواییەى دێت لەنێوان پارتى و یەکێتى و پەکەکە و هەر سێ لایەنەکە بنکەیان لەو سنورە داناوە، دواى ئەوەى نەگەیشتن بە رێککەوتن بۆ دانانى بنکەیەکى هاوبەش. . سەرچاوەیەكی ئاگادار  لە وەرتێ بە ناس كوردی وت "ئامانجی بۆردومانەكانی توركیا ئەو بارەگایەی پەكەكە بووە كەلەوێ دایناوە و باس لە شەهیدبوونى سێ گەریلا دەکرێت". تا ئێستا پەکەکە زیانى بۆردومانەکەى بڵاونەکردووەتەوە. . بەپێی چەند وێنەیەک کە دواى بۆردومانەکە بڵاوکراونەتەوە، دوو کەس دەبینرێن کە یەکێکیان وادیارە تەرمێکە و لە بەتانییەوە پچێراوە و خراوەتە ناو ئۆتۆمبیلێکەوە، ئەوەى تریشیان کەسێکى ترە کە لەژێر داروپەردودا دەردەهێنرێت. . بۆردومانەکەى ئەمرۆ تەنها 200 مەتر بارەگاى سەربازى پێشمەرگەى هێزەکانى 70ەوە دوور بووە. . لوقمان وەردی ئەندامی پەرلەمانی كوردستان كە سەردانی شوێنی بۆردومانەكانی كردووە بە ناس كوردی وت "نیوەڕۆی ئەمڕۆ فڕكە جەنگیەكانی توركی سێ موشەكیان ئاڕاستەی زینى وەرتێ كردووە، هیچ زیانێکى گیانى لەریزى پیشمەرگە نەبووە، تەنها زیانێکى کەم بەر ئۆتۆمبیل و شوێنى مانەوەى پێشمەرگەکان کەوتووە".

کەناڵی ناس کورد لە تێلیگرام جۆین بکە