گه‌ڕان

Shadow Shadow
سیاسه‌تی

پارتى لەبارەى بەشدارى پێشمەرگەى رۆژ لە شەڕى لیبیا ڕاگەیەنراوێکى توند بڵاودەکاتەوە

2020.04.15 - 14:43
App store icon Play store icon Play store icon
پارتى لەبارەى  بەشدارى پێشمەرگەى رۆژ لە شەڕى لیبیا  ڕاگەیەنراوێکى توند بڵاودەکاتەوە
ناس کورد-   پارتى دیموکراتى کوردستان ڕایگەیاند، ئەو كەسەی لە لیبیا گیراوە و بەشێوەیەكی "گوماناوی ناسنامەی بۆ داتاشراوە"، دوور و نزیك پەیوەندی بە پارتی دیموكراتی كوردستان و لەشكری ڕۆژەوە نییە. . لەچەند رۆژى ڕابردوودا وتەبێژى سوپاى لیبیا لەکۆنفرانسێکى ڕۆژنامەنوسیدا ڕایگەیاندبوو، کەسێکیان دەستگیرکردووە کە "پێشمەرگەى رۆژ بووە"، لەپاڵ گروپە چەکدارەکانى تورکیا دژى هێزەکانیان شەڕیکردووە، بەڵام فەرماندەیی لەشکرى رۆژ رەتیکردەوە ئەو کەسە سەر بە هێزەکانیان بێت. . دەزگای ڕۆشنبیری و ڕاگەیاندنی پارتی ئەمڕۆ چوارشەممە لە ڕاگەیەنراوێکدا ڕایگەیاند "ئەو كەسەی لە لیبیا گیراوە و بەشێوەیەكی گوماناوی ناسنامەی بۆ داتاشراوە، دوور و نزیك پەیوەندی بە پارتی دیموكراتی كوردستان و لەشكری ڕۆژەوە نییە و هەرگیز تەنانەت بۆ یەك خولەکیش پێشمەرگە نەبووە". . ئاماژەى بەوەشکردووە "ئەو شەڕ و كاولكارییەی لە لیبیا ڕوودەدات دەرهاوێشتەی ململانێی نێودەوڵەتییە و هیچ پەیوەندی بە ئامانج و سیاسەتەكانی پارتی دیموكراتی كوردستانەوە نییە".  .  لە ڕاگەیەنراوەکەى پارتیدا هاتووە "ئەگەر گریمان پڕوپاگەندەكان لەبارەی ئەو كەسە ڕاست بووایە و پێشمەرگە بووبێت (كە لە بنەڕەتدا هیچ بنەمایەكی نییە)، ئەوە هەموو لایەك زۆر باش دەزانن كە لە مێژووی شۆڕشەكانی كورد ڕووی داوە کەسانێک لەناو شۆڕش بوونە بەڵام ناپاكییان كردووە و لە ڕیزی شۆڕش و پێشمەرگە چوونەتە ڕیزی دوژمن، ئەو كەسەی لەپێناو پارە بووەتە مورتەزەقە لە لیبیا كارێكی نەشیاوی كردووە".

کەناڵی ناس کورد لە تێلیگرام جۆین بکە