گه‌ڕان

Shadow Shadow
سیاسه‌تی

داوای چییان لە بەرپرسانی پارێزگا کردووە؟

تەندروستی سلێمانی زانیارى لەسەر توشبووە نوێیەکەى کۆرۆنا و ڕێوشوێنەکانی قەدەغەى هاتوچۆ ئاشکرا دەکات

2020.04.15 - 11:51
App store icon Play store icon Play store icon
تەندروستی سلێمانی زانیارى لەسەر توشبووە نوێیەکەى کۆرۆنا و ڕێوشوێنەکانی قەدەغەى هاتوچۆ ئاشکرا دەکات
ناس کورد- جێگرى بەرێوەبەرى گشتى تەندروستى سلێمانى ڕایگەیاند، ئەو کەسەى شەوى ڕابردوو توشبوونى بە کۆرۆنا ڕاگەیەنرا، پیشتر لە دەرەوە بووە و دواى هاتنەوەى کەرەنیتنە کراوە. . شەوى ڕابردوو وەزارەتى تەندروستى حکومەى هەرێم تۆمارکردنى حاڵەتێکى نوێی توشبووى بە کۆرۆنا ڕاگەیاند کە کەسێکى تەمەن 22 ساڵانە. . هێرش سەلیم، جێگرى بەرێوەبەرى گشتى تەندروستى سلێمانى بە ناس کوردى ڕاگەیاند، "ئەو کەسە پێشتر لە قوبرس گەڕاوەتەوە و کەرەنیتنە کراوە، دواى ئەوەى پشکنینى بۆ کراوە دەرکەوتووە کە هەڵگرى ڤایرۆسەکەیە". . وتیشى، "دۆخى تەندروستى توشبووەکە زۆرباشە و لەژێر چاودێرى پزیشکیدایە". . بە تۆمارکردنى ئەو توشبووە ژمارەى توشبووانى کۆرۆنا لە هەرێمى کوردستان بۆ 332 کەس بەرزبووەوە کە چواریان مردوون و 204 کەسیان چاکبوونەتەوە. . لەبارەى قەدەغەى هاتوچۆوە کە ئەمڕۆ کۆتایی دێت، هێرش سەلیم وتى، "پڕۆژەى خۆمان ڕادەستى پارێزگار و حکومەت کردووە". . وتیشى "لەگەڵ ئەوەدا نین قەدەغەى هاتوچۆ بەتەواوى هەڵبگیرێت، تەنها هەندێ ڕێوشوێنى نوێ بگیرێنەبەر تا هاوڵاتیان بتوانن پێداویستییەکانیان دابین بکەن". .

کەناڵی ناس کورد لە تێلیگرام جۆین بکە