گه‌ڕان

Shadow Shadow
سیاسه‌تی

سوپای نیشتیمانی لیبیا دەرکردنی ڕاگەیەنراوێک لەبارەى هەرێمی کوردستانەوە ڕەتدەکاتەوە

2020.04.15 - 09:10
App store icon Play store icon Play store icon
سوپای نیشتیمانی لیبیا دەرکردنی ڕاگەیەنراوێک لەبارەى هەرێمی کوردستانەوە ڕەتدەکاتەوە
ناس کورد- وتەبێژی سوپای نیشتیمانی لیبیا ڕەتیدەكاتەوە داوایان لە حكومەتی عێراق كردبێت بۆ ئەوەی "ڕێگری لە حزبە كوردیەكانی هەرێمی کوردستان بکات دەستوەردان لە كاروباری لیبیا نەكەن" و دەڵیت، ئەو ڕاگەیەنراوی بەناوی سوپاوە بڵاوکراوەتەوە ساختەیە و هیچ پەیوەندییەکی بەوانەوە نییە. . ئەحمەد مسماری، وتەبێژی سوپای نیشتمانی لیبیا لە پەڕەی فەیسبوكی خۆ دەڵێت، لە تۆڕە کۆمەیەڵایەتییەکان ڕاگەیەنراوێک بڵاوبووەتەوە و لایەنێک "دەیەوێت مەلە لەئاوی لێڵدا بكات"، بە تایبەت دوای دەستگیركردنی چەکدارێکی کورد بە ناوی شاكر فەرمان لەلایەن سوپای نیشتیمانیەوە كە توركیا بۆ شەڕی گەلی لیبیا ڕەوانەی كردووە. . شەوی ڕابردوو بەشێوەیەكی بەرفروان لە تۆڕە كۆمەڵایەتیەكاندا ڕاگەیەنراوێك بەناوی سوپای نیشتیمانی لیبیاوە بڵاوكرایەوە كە داوا دەكات حكومەتی فیدراڵی عێراق دەستوەردان بكات و جارێكی تر ڕێگە نەدات حزبە كوردییەكان "ئەو چەکدارانە بنێرێت کە لەلایەن تورکیاوە بەکرێگیراون بۆ شەڕی گەلی لیبیا". . ئەوەش لەكاتێكدا چەند ڕؤژێك پێش ئێستا، وتەبێژی سوپای نیشتیمانی لیبیا لە كۆنگرەیەكی ڕۆژنامەوانییدا، دەستگیركردنی كوردێكی ڕۆژئاوای کوردستانی لە لیبیا ئاشكرا كرد كە توركیا بەمەبەستی شەڕكردن لەگەڵ سوپای نیشتیمانیی ئەو وڵاتەدا ڕەوانەی کردبوو، ئەو کەسە لە هەولێرەوە مەشق و ڕاهێنانی پێكراوە و سەر بەهێزەكانی پێشمەرگەی ڕۆژن. . نوسراوە ساختەکە:

کەناڵی ناس کورد لە تێلیگرام جۆین بکە