،
لە ئەڵمانيا لەسەرەتاى بڵاوبونەوەى ڤايرۆسى كۆرۆناوە ئەنجێلا مێركل، ڕاوێژكارى ئەو وڵاتە هەوڵێكى زۆرى داوە، گەلەكەى لەوە ئاگادار كردەوە كە ڤايرۆسەكە 70%ى خەڵك توشدەكات، ڕێكارەكانى ئەو وڵاتە و ئامادەييە پزيشكيەكەى بوەتە هۆى ئەوەى لەچاو ژمارەى توشبواندا زۆر كەم گيانلەدەستدان تۆمار بکرێت، بە پێچەوانەى دەوڵەتەكانى ترى ئەوروپاوە.
،
تايوان
،
هەرچى لە وڵاتى تايوانە خێراترين وڵات بوو لە گرتنەبەرى ڕێوشوێنى دژى كۆرۆنا، ئەو دەوڵەتە بە سەركردايەتى "ساى ئينگ ون" 124 پێوانەى بۆ وەستاندنى بڵاوبونەوەى ڤايرۆسەكە دانا بەبێ ئەوەى پەنا بۆ داخستنى شار و ناوچەكان ببات وەك دەوڵەتانى ترى جيهان.
،
سەرەڕاى ئەمانە تايوان 10 مليۆن كەمامەى ناردوەتە ولايەتە يەكگرتوەكانى ئەمريكا، بەپێى ڕاپۆرتێكى تۆڕى CNNى ئەمريكى تايوان باشترين وەڵامدانەوەى هەبوە و يەكێك لەو وڵاتانەى جيهان كە باشترين ڕێوشوێنى گرتوەتەبەر بۆ ڕوبەڕوبونەوەى پەتاكە، تائێستا تەنها شەش گيانلەدەستدان لەو وڵاتە تۆمار كراوە.
،
نيوزلەندا
،
جاسيندا ئاردرين، خانمە سەرۆكوەزيرانى نيوزلەندا لەكاتێكى زۆر زوودا فەرمانى بە داخستنى تەواوەتى شار و شارۆچكە و ناوچەكان كرد، ئەوەش سەرەڕاى جياكردنەوەى سەرجەم ئەوانەى دەچنە خاكى ئەو وڵاتەوە، كاتێكيش ژمارەى توشبوان گەيشتە شەش كەس ڕێگەى نەدا هيچ بيانيەك بچێتە خاكى نيوزلەنداوە.
،
تائێستا لە نيوزلەندا تەنها چوار گيانلەدەستدان تۆمار كراوە لەسەرتاسەرى ئەو وڵاتەدا، لەگەڵ ئەوەى وڵاتان وردە وردە دەستيان كردوە بە شلكردنەوەى ڕێوشوێنەكان، جاسيندا فەرمانى ئەوەى كردوە كە ئەو نيوزلەنديانەشى لە دەرەوە دەگەڕێنەوە ماوەى 14 ڕۆژ كەرەنتين بكرێن.
فينلەندا
،
سانا مارين، خانمە سەرۆكوەزيرانى فينلەندا لە هەژماری خۆى لە تۆڕە كۆمەڵايەتيەكان داواى لە كەسە كاريگەرەكانى وڵاتەكەى كرد كە لاى خۆيانەوە هاوڵاتيان هۆشيار بكەنەوە لە ڤايرۆسى كۆرۆنا، لەو وڵاتە تەنها سێ هەزار توشبوو تۆمار كراوە، ئەو ژمارەيەك لەچاو زۆرينەى دەوڵەتانى ترى ئەوروپا ژمارەيەكى زۆر كەمە.
،
ئايسلەندا
،
لەژێر سەركردايەتى كاترين جاكويسدوتير، خانمە سەرۆكوەزيران، لە ئايسلەندا پشكنينى بێبەرامبەرى ڤايرۆسى كۆرۆنا بۆ سەرجەم هاوڵاتيانى ئەو وڵاتە دابين كراوە، هەروەها سيستمێكى پتەويان بۆ داخستنى گشتى و خوێندنگاكان داناوە.
،
نەرويج و دانيمارك
،
هەرچى لە وڵاتى نەرويجيشە، ئيرنا سولبێرگ، خانمە سەرۆكوەزيرانى ئەو وڵاتە لەڕێگەى كەناڵەكانى تەلەفزيۆنەوە لێدوانى بۆ منداڵانى وڵاتەكەى دا، هەروەك پێش ئەوە "ميت فيرديدريكسن" خانمە سەرۆكوەزيرانى دانيمارک كردى كە پێش ئەو بە دوو ڕۆژ كۆنگرەيەكى ڕۆژنامەوانى تايبەت بە منداڵانى بەست بۆ وەڵامدانەوەى پرسيارەكانيان.
