گه‌ڕان

Shadow Shadow
سیاسه‌تی

چانسی مانەوەی 50 % بووە

سەرۆكوەزیرانی بەریتانیا نەخۆشخانەی بەجێهێشت بەڵام جارێ ناگەڕێتەوە بۆ سەر كارەكەی

2020.04.12 - 20:07
App store icon Play store icon Play store icon
سەرۆكوەزیرانی بەریتانیا نەخۆشخانەی بەجێهێشت بەڵام جارێ ناگەڕێتەوە بۆ سەر كارەكەی
ناس کورد-    حكومەتی بەریتانیا ڕایگەیاند، تەندروستی سەرۆكوەزیران بەرەو پێشچوونی بەخۆیەوە بینیوە و نەخۆشخانەشی بەجێهیشتووە بەڵام لەژێر ڕێنماییەكانی پزیشكدا جارێ بۆ سەر كارەكەی ناگەڕێتەوە. . لەڕاگەیەنراوێكدا حكومەتی بەریتانیا ڕایگەیاند، بۆریس جۆنسۆنی سەرۆكوەزیران نەخۆشخانەی بەجێهێشتووە و گەڕاوەتەوە شوێنی حەوانەوەی خۆی لەباكوری لەندەن و جارێ ناگەڕێتەوە بۆ سەر كارەكەی ئەوەش بەپێی ڕێنمایەكانی تیمی پزیشكی. . بەوتەی ژمارەیەك لە وەزیران و ڕاوێژەكارەكانی سەرۆكوەزیران، چانسی مانەوەی جۆنسۆن لەژیاندا بەڕێژەی 50% بووە دوای توشبوونی بەپەتاكە. . دوێنێ (شەممە) بەرپرسانی بەریتانیا ڕایانگەیاند، تەندروستی سەرۆكوەزیران بەشێوەیەكی بەرچاو بەرەو باشە دەڕوات و لەژێر وەرگرتنی چارەسەری دژە كۆرۆنادایە. . هەفتەی ڕابردوو جۆنسۆن گەیەنرایە نەخۆشخانە دوای ئەوەی بەهۆی بەرزبونەوەی پلەی گەرمی لەشیەوە 10 ڕۆژی لەكەرەنتینە بەسەر برد و دواتر گەیەنرایە ژوری چاودێری وردەوە بەهۆی تێكچوونی بارودۆخی تەندروستیەوە. .

کەناڵی ناس کورد لە تێلیگرام جۆین بکە