ناس کورد-
وەزارەتی ئەوقاف و کاروباری ئایینی ئەو هەواڵانەی ڕەتکردەوە کە باس لە کردنەوەی مزگەوتەکان دەکەن لە مانگی ڕەمەزاندا، ئاماژەی بەوەشکردووە، ئەوە بڕیاری وەزارەتی ئەوقاف نییە و حکومەت بڕیاردەدات کەی مزگەوتەکان بکرێنەوە.
.
لە ڕاگەیەندراوێكدا وەزارەتی ئەوقاف و کاروباری ئایینی ڕایگەیاند: "لە ھەندێ پەیج و ئەکاونتی جیای تۆرە کۆمەڵایەتیەکان بەناوی وەزارەتی ئەوقاف و کاروباری ئایینی باس لەکردنەوەی دەرگای مزگەوتەکان لە مانگی رەمەزانی پیرۆز دەکەن، ھەروەھا لێدوانی جیاو ناراست بەناوی وەزارەتمان بڵاوودەکرێتەوە".
.
ئاماژەی بەوەشکردووە: "سەرلەبەری ئەو ھەواڵ و وتانە دوورن لە ڕاستیەوە، حکومەتی ھەرێمی کوردستان لەھەر کەس و لایەنێک بە پەرۆشترە بۆکردنەوەی دەرگای مزگەوتەکان، بەڵام لەئێستادا پاراستنی تەندروستی و سەلامەتی گیانی ھاوڵاتیانی ئازیز کاری لەپێشینەی حکومەتی ھەرێمی کوردستان".
.
وەزارەتی ئەوقاف و کاروباری ئایینی ئەوەشی خستووەتەڕوو: "ئەم بابەتانەش پەیوەست نین بە بەبریاری وەزارەتێک، بەڵکو لێژنەی باڵای رووبەرو بوونەوەی ڤایرۆسی کۆرۆنا لە حکومەتی ھەرێمی کوردستان و وەزارەتی تەندروستی بەرەچاوکردنی باش بوونی ژینگەی تەندروستی بریار لەسەر ئەم بابەتانە دەدەن".
.
جەختیشلەوە کراوەتەوە: "ھەر کەس و لایەنێ لێدوان بەناوی وەزارەتمانەوە بڵاو بکاتەوە رێکاری یاسایی بەرامبەر دەگیرێتەبەر".
کەناڵی ناس کورد لە تێلیگرام جۆین بکە
