گه‌ڕان

Shadow Shadow
سیاسه‌تی

دەزگای هەواڵگری ئەمریكا چەند مانگێک پێش ئێستا هۆشداری بوونی پەتایەکی گوماناوی لە ووهان داوەتە ترەمپ

2020.04.10 - 23:59
App store icon Play store icon Play store icon
دەزگای هەواڵگری ئەمریكا چەند مانگێک پێش ئێستا هۆشداری بوونی پەتایەکی گوماناوی لە ووهان داوەتە ترەمپ
ناس کورد-   میدیایەكی ئەمریكا ئاشكرای دەكات، چەند مانگێک بەر لەئێستا دەزگای هەواڵگری ئەمریكی هۆشداری سەرهەڵدانی پەتایەكی گوماناوی لەشاری ووهان داوەتە ترەمپ كە مەترسی بۆ سەر سوپاكەیان لەكیشوەری ئاسیادا هەیە. ، تۆڕی ئای بی سی ئەمریكیی بڵاوی كردووەتەوە، مانگی تشرینی دووەمی ساڵی ڕابردوو واتا پێش دوو مانگ لەئاشكرا كردنی ڤایرۆسی کۆرۆنا لەلایەن حكومەتی چینەوە، دەزگای هەواڵگری ئەمریكی هۆشداری بوونی پەتایەكی گوماناوی لەشاری ووهانی چین داوەتە ئیدارەكەی تڕەمپ. ، ئاماژە بۆ ئەوەش كراوە، ئەو میدیایە،  قسەی لەگەڵ چوار بەرپرس دا كردووە كە ڕاپۆرتە نهێنینەكەی دەزگای هەواڵگریان خوێندووەتەوە كە لەسەر ئەو پەتایە  دواتر بەكۆرۆنا ناسراوە و بۆ جیهان گواستراوەتەوە ئامادە كراوە. ، ڕاپۆرتە نهێنیەكەی هەواڵگری هۆشداری ئەوەیداوە پەتاكەی شاری ووهانی چینی گۆڕانكاری لەشێوازی ژیان و كاردا كردووە و بووەتە مەترسیی بۆ سەر دانیشتوانەكەشی. ، بەگوێرەی سەرچاوەكانی ئەو میدیا ئەمریكیە، ناوەندی نیشتیمانی هەواڵگری بۆ كاری پزیشكی سەر بەسوپای ئەمریكا سەرپەرشتی ڕاپۆرتە نهێنیەكە كردووە. ، بەپێی وتەی دوو بەرپرسی ئەمریکی كە ئاگاداری ئەو ڕاپۆرتەن، ڕاپۆرتەكە پشتی بەستووەتە سەر چەند پەیوەندییەكی تەلەفۆنی هۆیەكانی تری گەیشتن و وێنەی مانگە دەستكردەكان، زەنگی ئاگادار كردنەوە لێدراوە بەوەی هەر نەخۆشییەك لەژێر كۆنترۆڵ دەربچێت ئەوا مەترسیی بۆ سەر هێزەكانی ئەمریكا لەئاسیا دروست دەكات بەو پێیەی بۆ پشتی بە زانیارییەكانی ئەو ناوەندە بەستراوە كە پێكهاتەیەكە لەدەزگای هەواڵگری بەرگری سەر بەوەزارەتی بەرگری ئەمریكا. ، لای خۆشیەوە، وەزارەتی بەرگری ئەمریكا ڕەتیدەكاتەوە ئاگای لەو ڕاپۆرتە نهێنینە ببێت.  

کەناڵی ناس کورد لە تێلیگرام جۆین بکە