گه‌ڕان

Shadow Shadow
سیاسه‌تی

ئەستوربوونێکی شێرپەنجەی قەبارە گەورەیان لەقۆڵی توشبوویەکی ڤایرۆسی کۆرۆنا دەرهێنا

تیمێکی پزیشکی عێراقی نەشتەرگەرییەکی دەگمەن بۆ توشبوویەکی کۆرۆنا ئەنجام دەدەن

2020.04.10 - 13:25
App store icon Play store icon Play store icon
تیمێکی پزیشکی عێراقی نەشتەرگەرییەکی دەگمەن بۆ توشبوویەکی کۆرۆنا ئەنجام دەدەن
ناس کورد- وەزارەتی تەندروستی عێراق، ڕایگەیاند، تیمێکی پزیشکی عێراقی توانیویانە نەشتەرگەرییەکی دەگمەن بۆ توشبوویەکی ڤایرۆسی کۆرۆنا لە یەکێک لە نەخۆشخانەکانی شاری بەغدا ئەنجام بدەن. . بەگوێرەی ڕاگەیەندراوێکی وەزارەتی تەندروستی عێراق، تیمێکی پزیشکی عێراقی دوێنێ (پێنجشەممە) توانیویەتی لە نەشتەرگەریەکی دەگمەندا"ئەستوربوونێکی شێرپەنجەی قەبارە گەورە" لە قۆڵی توشبوویەکی ڤایرۆسی کۆرۆنا دەربهێنن. https://www.facebook.com/MOH.GOV.IQ/posts/2860793230641723 . وەزارەتی تەندروستی عێراق، لە ڕاگەیەندراوەکەدا، ئاماژەی بەوە کردوە، تیمە پزیشکییەکە لە نەخۆشخانەی"کندی"شاری بەغدا نەشتەرگەرییەکەیان ئەنجامداوە، نەخۆشەکەش کوڕێکى تەمەن 15 ساڵ بووە کە لە هەمانکاتیشدا توشبووی ڤایرۆسی کۆرۆنایە. . لە ڕاگەیەندراوەکەدا ئەوەشخراوەتە ڕوو، منداڵەکە لە ئێستادا باری تەندروستی جێگیرە و نەشتەرگەریەکەش لەڕێگەی سڕکردنی تەنها بەشی قۆڵیەوە ئەنجامدراوە ئەوەش بەیەکەم نەشتەرگەری لەسەر ئاستی جیهان هەژمار دەکرێت کە بەو شێوەیە کرابێت بۆ توشبوویەکی ڤایرۆسی کۆرۆنا. . لە ئێستادا ژمارەی توشبووان بە ڤایرۆسی کۆرۆنا هەزار و 200 توشبووی تێپەڕاندووە و 69 کەسیش بەهۆی توشبوونیان بە ڤایرۆسەکەوە گیانیانلەدستداوە. .

کەناڵی ناس کورد لە تێلیگرام جۆین بکە