گه‌ڕان

Shadow Shadow
سیاسه‌تی

كۆبونەوەكەى ئۆپێك و روسيا نرخى نەوتى فڕاند.. لەسەر چی ڕێککەوتوون؟

2020.04.09 - 19:18
App store icon Play store icon Play store icon
كۆبونەوەكەى ئۆپێك و روسيا نرخى نەوتى فڕاند.. لەسەر چی ڕێککەوتوون؟
ناس کورد-   بەهۆى كۆبونەوەی ڕێكخراوى ئۆپێك و هاوپەيمانەكانى "ئۆپێك+" نرخى نەوتى خاو بەشێوەيەكى بەرچاو بەرزبويەوەو 10% ى نرخەكەى زيادى كرد. ، بەپێى ڕاپۆرتە ئابوريەكان لە بازاڕەكانى مامەڵەكردن بە نەوتى خاوەوە، ئێوارەى ئەمڕۆ پێنجشەممە، يەك بەرميل نەوتى خاوى برێنت 10.4% ى نرخەكەى زيادى كردوە، بەوەش نرخى يەك بەرميل گەيشتە 36 دۆلار و 24 سەنت. ، ئاماژە بەوەشکراوە، هەروەها نرخى يەك بەرميل نەوتى خاوى تەكساسى ئەمريكى 13% ى نرخەكەى زيادى كردوە، بەوەش نرخى يەك بەرميل بە 28 دۆلار و 36  سەنتەوە مامەڵەى پێوە دەكرێت. ، ئەمەش دواى ئەوەدێت، ئەمڕۆ پێنجشەممە 9ی نیسانی 2020، ڕێكخراوى "ئۆپێك+" سەبارەت بە كەمكردنەوەى بڕى بەرهەمهێنانى نەوت كۆبونەوە، بەپێى زانياريەكانيش لە كۆبونەوەكەدا لەسەر ئەوە ڕێكکەوتون كە كەمكردنەوەى گەورە لە بڕى نەتدا بكەن ئەوەش بۆ پشتگيریكردنى بازاڕ. ، بەهۆى بڵاوبونەوەى ڤايرۆسى كۆرۆنا لە جيهاندا و كەمبونەوەى خواست لەسەر نەوت، نرخى نەوتى خاو بەشێوەيەكى بەرچاو دابەزى، بەوەش مەترسى گەورەى لەسەر ئەو وڵاتانە دروست كرد كە بە شێوەيەكى سەرەكى بودجەيان پشتى بە نەوت بەستوە لەوانەش عێراق.

کەناڵی ناس کورد لە تێلیگرام جۆین بکە