گه‌ڕان

Shadow Shadow
سیاسه‌تی

پسپۆڕێكی ئەمریكی چەند پێشبینەیەك لەو بارەیەوە دەخاتە ڕوو

ئایا كۆرۆنا دیاردەی تەوقەكردن كۆتایی پێدەهێنێت؟

2020.04.09 - 15:48
App store icon Play store icon Play store icon
ئایا كۆرۆنا دیاردەی تەوقەكردن كۆتایی پێدەهێنێت؟
ناس کورد-    پسپۆڕێكی پەیمانگایەكی تایبەت بەنەخۆشییەكانی هەستیاری و درمە گوازراوەكانی ئەمریكی لەچاوپێكەوتنێكیدا لەگەڵ ڕۆژنامەی ووڵ ستریت ژوورناڵدا ڕایگەیاند، لەو باوەڕەدایە دوای جێهێشتنی جیهان بەم پەتایە بەشێك لەدابو نەریتە كۆمەڵایەتیەكان كەم دەبنەوە لەوانە تەوقەكردن. . ئەنتۆنی فاوشی، بەڕێوەبەری پەیمانگای نیشتیمانی بۆ نەخۆشییەكانی هەستیاری و درمە گوازراوەكان لەو باوەڕەدایە نۆرمی تەوقەكردن بۆ هەمیشەیی گۆڕانكاری بەسەردا دێت، دەشڵێت :"باوەڕم وایە جارێكی تر پێویستمان بەوە نابێت تەوقە بكەینەوە". . ئاماژەی بۆ ئەوەش كردووە، ڤایرۆسی كۆرۆنا بووە هۆكارێك بۆ كۆتایهێنان بە تەوقەكردن. باسی لەوەش كردووە، كاتێك وڵات دەستدەكات بە لابردن و سوككردنەوەی بەربەستەكان ئیدی دەبێت هەندێ ڕەفتار بگۆڕدرێت. . دەشڵێت:" گەر ژیان گەڕایەوە دۆخی ئاسایی خۆی ئەوا هەر لەخۆتانەوە هەنگاو مەنێن، لەو شتانە بپرسن كە هێشتا دەتوانن بەشێوەیەكی ئاسایی ئەنجامی بدەن، لەوانەش پێیوستی شۆردنی دەستەكان و تەوقە نەكردن لەگەڵ هیچ كەسێكدا". . فاوشی ئەوەشی ڕوونكردووەتەوە، باوەڕم وایە هیچ پێویست ناكات جارێكی تر تەوقە بكەنەوە لەڕاستیدا ئەوە نابێتە خۆپارێزییەكی باش لەڤایرۆسەكە دووبارە، بەڵكو دەبێتە هۆكارێكی تر بۆ گواستنەوەی چەند حاڵەتێكی ئەنفلۆنزا لەوڵاتدا. . لەبارەی لابردنی بەربەستە توندەكانی  بەردەم تێكەڵاوییە كۆمەڵایەتیەکان فاوشی وتویەتی ، ئەوە لە داگیرساندن و كوژاندنەوەی گڵۆپێك ناچێت، پڕۆسەكە پێویستی بە  لابردنی هەندێ بەربەستە بەهێواشی و هەوڵی گەڕانەوەی كۆمەڵگەیە بۆ سەر سروشتەكەی خۆی. . بەڕێوەبەری ئەو پەیمانگە پزیشكیە ئەوەشی خستووەتە ڕوو،  وەكو تڕەمپ ڕایگەیاندووە دوركەوتنەوەی كۆمەڵایەتی لەیەكتر و گرتنەبەری ڕێو شوینەكان تا 30 نیسان دەبێت، بەڵام هۆشداری ئەوەشیداوە توانای ژێرخانی بۆ دەستنیشانكردنی حاڵەتە كتوپڕەكان و گرتنەبەری ڕێو شوێنەكان بۆ ڕاستكردنەوەی هەڵەكان و كەرەنتینەكردنی خەڵكی پێویستە بەشێوەیەكی گشتی لەسەرخۆی بمێنێتەوە تا پێش لابردنی بەربەستەكان كە بۆ مەبەستی كۆنترۆڵكردنی ڤایرۆسەكە سەپێنراون. . فاوشی دەشڵێت :" هیوادارم بەكۆتاییهاتنی ئەم مانگە، سەرەتایەكی ڕۆشنتر دەستپێبكات و دەشتوانم بڵێم متمانەمان بەخۆمان هەیە وردە وردە دەستبكەینەوە بەژیانی ئاسایی". .

کەناڵی ناس کورد لە تێلیگرام جۆین بکە