گه‌ڕان

Shadow Shadow
سیاسه‌تی

ڕیزبەندى خەرجى وڵاتان بۆ قەڵاچۆکردنى کۆرۆنا 

لە خەرجکردنى پێداویستى پزیشکى بۆ هاووڵاتیان ئەمریکا یەکەم و تورکیا و هندستان لە پلەى کۆتایدان 

2020.04.09 - 14:56
App store icon Play store icon Play store icon
لە خەرجکردنى پێداویستى پزیشکى بۆ هاووڵاتیان ئەمریکا یەکەم و تورکیا و هندستان لە پلەى کۆتایدان 
  ناس کورد-   ڕێكخراوی هاریكاریی ئابوری و گەشەپێدان رایگەیاند، گەرچی ڤایرۆسی كۆرۆنا تەنی بەوڵاتی توركیا هەڵچنیووە و بەڕیزبەندی نۆیەم وڵات دێت لە وڵاتانی گیرۆدەبووی ڤایرۆسی كۆرۆنان، بەڵام خەرجی هەر هاووڵاتیەكی بۆ پێداویستیە پزیشكییەكان لەساڵی 2018 نەگەیشتووەتە 3 هەزار دۆلار، ئەوە بەپێچەوانەی وڵاتی ئەمریكاوە كە لەهەمان ساڵدا خەرجی پزیشكی هاووڵاتیەكانی 10 هەزار دۆلاری تێپەڕاندووە. . بەپێی ئامارەكانی ڕێكخراوی گەشەپێدانی ئابوری و هاریكاری كە لەماڵپەڕی تایبەتی ڕێكخراوەكەدا بڵاو كراوەتەوە، بەپێچەوانەی ئەو بودجەیەی كە وەكو خەرجی تەندروستی تەنها هاوڵاتیەك دیاریكراوە و لەسەر ئاستی واقعیشدا زۆر لەوە كەمتری بۆ خەرجكراوە و بەتایبەت ئەو وڵاتانەی كە لەئێستادا بەدەست قەیرانی كۆرۆناوە دەناڵێنن و سیستمە تەندروستیەكەشیان بووەتە مایەی ڕەخنە و سەرزەنشتی ناوخۆیی و دەرەكی لەوانە ڕوسیا و توركیا و ئێران. . ساڵی 2018 ویلایەتە یەكگرتووەكان پلەی یەكەمی لەخەرجییە پزیشكەكان بۆ هەر هاووڵاتیەك دابینكراوە  بە10 هەزار و 586 دۆلار و بەدوای ئەویشدا وڵاتی سویسرا هاتووە بە 7 هەزار و 317 دۆلار و دواتریش نەرویژ بەپلەی سێهەم هات كە بڕی 6 هەزار و 187 دۆلاری بۆ خەرجی تەندروستی هەر هاووڵاتیەكی تەرخانكردووە. بەدوای ئەوانیشدا و لەو ساڵەدا ئەڵمانیا بە پلەی چوارەم دێت كە 4 هەزار و 986 دۆلار و سوید بەپلەی پێنجەم كە 5 هەزار و 477 دۆلاری بۆ هەر هاووڵاتیەكی تەرخانكردووە. . جیا لە ڕێزبەندی ئەو وڵاتانە كەمترین خەرجی بۆ تەندروستی هواوڵاتیانی دابین كردووە  وڵاتی هیندستانە،كە بەبڕی 209 دۆلارە بۆ هەر هاوڵاتیەكی. ئامارە كە پشتی بەستووە بە خزمەتگوزارییە پزیشكیە كەسیەكان و خەرجیە بەكاربەرییەكانی نەگرتووەتەوە. . بەڵام ئەمساڵ بەهۆی بڵاوبونەوەی ڤایرۆسی كۆرۆناوە كەرتی تەندروستی لەجیهاندا ڕووبەڕووی فشاری زۆرتر بووەتەوە. . لەتوركیادا تا شەوی سێشەممە 34 هەزار و 109 كەس تووشی ڤایرۆسەكە بوون و ژمارەی مردنیش بە986 حاڵەت تۆمار كرا بەوەش توركیا ڕیزبەندی نۆیەمی ئەو وڵاتانەی تۆمار كرد كەزۆر كەوتوونەتە ژێر كاریگەرییە خراپەكانی كۆرۆناوە. ئەوەی زیاتر لەتوركیا ڕاڕایی دروستكردووە دوای تۆماركردنی یەكەم حاڵەت لە 11 ی ئادار خێرا بڵاوبونەوەی ڤایرۆسەكەی و دووقاتبونیەتی بەڕۆژانە. . لەهیندستانیش نەخۆشخانەی گەورەی شاری بۆمبای لەبەردەم نەخۆشی نوێدا داخرا و ناوچەكەش سەركەوتنی بەسەر ڤایرۆسەكەدا ڕاگەیاند. لەگەڵ بڵاوبونەوەی ڤایرۆسەكەدا هیندستان لە 25 ئادار ناوچەكانی لەیەكتر دابڕی و تا ئێستا 109 حاڵەتی مردن تۆمار كراوە و تمیی پزیشكی ئەو وڵاتەش ڕەخنە لەكەمبوونی پێداویستیە پزیشكیەكان دەگرن. . وتەبێژی پۆلیسی شاری بۆمبای بەمیدیا فەرەنسییەكانی ڕاگەیاندووە، نەخۆشخانەكە سەركەوتنی بەسەر پەتاكەدا ڕاگەیاندووە. ئاماژەی بۆ ئەوەش كردووە، نزیكەی 300 كارمەندی تەندروستی كەرەنیتنە كراون و نەخۆشخانەكەش داخراوە. . سەندیكای تەندروستكارانی ئەو وڵاتەش ڕەخنە لەنەخۆشخانەكە دەگرێت كە دەربەستی تیمی تەندروستیەكانی نەهاتووە و پێداویستیەكانی پشتگوێ خستوون. .

کەناڵی ناس کورد لە تێلیگرام جۆین بکە