گه‌ڕان

Shadow Shadow
سیاسه‌تی

لەگەڵ کورد و سوننە کۆنەبووەوە

سیستانی و سەدر ڕەتیانكردووەتەوە لەگەڵ جێگرەکەى سولەیمانیدا دانشین و سەردانەكەی شكستیهێناوە

2020.04.08 - 11:59
سیستانی و سەدر ڕەتیانكردووەتەوە لەگەڵ جێگرەکەى سولەیمانیدا دانشین و  سەردانەكەی شكستیهێناوە
ناس کورد- سەردانەكەی ئیسماعیل قائانی بۆ بەغدا "شكستی هێناوە" و نەك نەیتوانیوە وەک قاسم سولەیمانی شیعەكان لەدەوری بەرژەوەندییەكانی وڵاتەكەی كۆبكاتەوە بەڵكو ڕوبەڕووی ڕەخنە و تانە و تەشەربووەتەوە، هەریەكە لە سیستانی و سەدریش ئامادە نەبوون لەگەڵیدا دابنیشن، ئەوەش بەپێی ڕاپۆرتێکی ماڵپەڕى ئەلمۆنیتەرى ئەمریکى. . هەفتەى ڕابردوو  ئیسماعیل قائانى، فەرماندەی نوێی فەیلەقی قودسى سەر بە سوپاى پاسدارانى ئێران گەیشتە بەغدا بە مەبەستی فشارخستنە سەر سەركردە شیعەكانی عێراق بۆ كشانەوەی پشتیوانیەكانیان لە عەدنان زورفی، كاندیدی ڕاسپێرداو بۆ كابینەی نوێ. . بەپێی ڕاپۆرتێكی ماڵپەڕی مۆنیتەر، بەپێچەوانەی قاسمی سولەیمانیەوە كە دەیتوانی لایەنە سیاسیە شیعەكان لەعێراقدا بۆ ئامانجەكانی ئێران كۆبكاتەوە، لە سەردانەكەی ئەمدوایەی قائانیدا بۆ لای لایەنە سیاسیە شیعەكان "شكستی هێناوە لەپێكانی ئامانجەكانی". . هەر بەپێی ماڵپەڕەكە، قائانیی نەك تەنها شكستی هێناوە لە یەكخستنی سەركردە شیعەكان لەدەوری ئامانجەكانی ئێران،  بەڵكو چەند ڕەخنەیەكی لێگراوە و سەرزنشتیش كراوە لەلایەن ئەو سەركردانەوە. . ماڵپەڕەكە لەسەر زاری سەرچاوەیەكی ئاینی باڵاوە لە شاری نەجەفەوە بڵاوی كردووەتەوە، عەلی سیستانی مەرجەعی باڵای شیعەكان ڕەتیكردووەتەوە كۆبونەوەی دوو قۆڵی لەگەڵ قائانیدا ئەنجامبدات. .  ئاماژەى بەوەشکردووە، هەر لەو چوارچێوەیەشدا قائانیی لەلایەن موقتەدا سەدرەوە گورزێكی كوشندەی بەركەوتووە و كۆبونەوەیەكی لەگەڵ ناوبراودا كە بڕیاربووە ئەنجامی بدات هەڵوەشاندووتەوە، لەپەیامێكیدا كە لەڕێگەی ئەبو دوعا عیساوییەوە ڕادەستی قائانیی كراوە، موقتەدا سەدر پییوتووە، پێویستە هیچ دەستوەردانێكی بیانیی لە كاروباری ناوخۆیی عێراقدا ڕوونەدات. . لەگەڵ سونە و كورددا كۆنەبووەوە بەپێی ئەلمۆنیتەر، ئیسماعیل قائانیی لە میانی سەردانەكەیدا بۆ بەغدا، لەگەڵ هیچ سەركردەیەكی كورد و سونەدا كۆنەبووەتەوە، ئەوەش بەپێچەوانەی سولەیمانیەوە كە لەدەرەوەی بازنەی شیعەكان پەیوەندییەكی باشی لەگەڵ ژمارەیەك كەسایەتی سوننەی عێراقیدا هەبوو. . بەپێی لێكدانەوەكانی ماڵپەڕەكە بۆ ئەو دۆخە، بەپێچەوانەی سولەیمانییەوە قائانیی كۆمەڵێك تایبەتمەندی پێویستی تێدانییە بۆ سەرپەرشتیكردنی میلیشیا ئێرانیەكان لەدونیای عەرەبیدا، یەكێك لەو گرفتانەیە كە سەركردە نوێییەكە هەیەتی ناتوانێت بەعەرەبی قسە بكات و كاریزمایەتی تێدا نییە. . ئاكامێكی شكستخواردوو ئەسعەد شەمەری، پەرلەمانتاری ڕەوتی حیكمەی نیشتیمانی لە ڕاگەیەنراوێكدا ڕایگەیاند، كاتی سەردانەكەی قائانیی بۆ عێراق و هەوڵى دەستوەردانی ئاشكرا لە پێكهێنانی كابینەی نوێدا نەگونجاو بوو. . هەر لەو چوارچێوەیەشدا، ڕەعد دەهلكی، پەڕلەمانتاری هاوپەیمانی عێراقیەكان داوای لە وەزیری دەرەوەی وڵاتەكەی كرد، باڵیۆزی ئێران لەسەر دەستوەردانەكانی قائانیی بۆ كاروبارە ناوخۆیەكانی عێراق بانگهێشت بكرێت. . هاوكات نەدا جەودەت پەرلەمانتاری نەسر ڕایگەیاندووە، زورفی سەركەتوو بووە لە بەدەستهێنانی زۆرینەی پەرلەمانی و سەردانەكەی قائانیی هەوڵەكانی ناوبراو پەكناخات بەڵكو پێچەوانە كەوتووەتەوە پشتیوانیەكانی زیادیان كردووە و سەردانەكەشی بەشكستخواردوو ناوبردووە. . لای خۆشیەوە، عالیە نوسەیف، پەرلەمانتاری دەوڵەتی یاسا ڕایگەیاندووە، فەرماندەی فەیلەقی قودس لەسەر لایەنە شیعەكان فشاری دروستكردوە بۆ ئەوەی پشتیوانیەكانیان بۆ زورفی بكشێننە "بەڵام ئەوە شەرمە بۆ سەركردە سیاسیەكان کە پێویستیان بەڕێنمایی دەستی دەرەكی بۆ كاروبارە ناوخۆییەكانیان هەیە". . سەردانەکەى قائانى دواى سەردانەکەى مانگی ڕابردووى عەلی شەمەخانی، ئەمینداری گشتی ئەنجومەنی باڵای نەتەوەیی ئێرانیی هات بۆ عێراق کە لەگەڵ سەرۆككۆمار و عەبدولمەهدیدی كۆبویەوە و ئەو سەردانەش بەوە وەسفكرا كە ئێران دۆسیەی عێراق لە فەیلەقی قودسەوە ڕەوانەی دیپلۆماسیەتی وڵاتەكەی دەكات.