گه‌ڕان

Shadow Shadow
سیاسه‌تی

ئەوقافی سلێمانی: حەقە مەلا نادر دەستگیربکرێت

هێشتا مەلا نادر دەستگیرنەکراوە و پێی وایە دەبێت حکومەت و دادگا مەمنونی بن

2020.04.06 - 16:48
App store icon Play store icon Play store icon
هێشتا مەلا نادر دەستگیرنەکراوە و پێی وایە دەبێت  حکومەت و دادگا مەمنونی بن
ناس کورد - ڕۆژیار سیروان   

پاش ئەوەی لە تۆمارێکی ڤیدیۆییدا مامۆستایەکی ئاینی چەند دەنگۆیەکی بڵاوکردەوە سەبارەت بە بڵاوکردنەوەی گازی سارین، ترس و دڵەراوکێی لای هاوڵاتیان دروستکربوو، هەرچەندە داواکاری گشتی سکاڵای لەسەر تۆمارکردووە بەڵام هێشتا دەستگیرنەکراوە. 

. دادوەر پشتیوان سمکۆ ، وتەبێژی داواکاری گشتی هەرێم بە ناس کوردی ڕاگەیاند، ڤیدیۆی ئەو مامۆستا ئاینییە بۆیە هۆی دروستبوونی ترس و دڵەراوکێ لای هاوڵاتیان، بەو مەبەستەش داواکاری گشتی سلێمانی بەپێی یاسای 2ی مۆبایل داوای لەسەر تۆمارکردووە و بڕیاری دەستگیرکردنی بۆ دەرکراوە.  . لەلایەکی ترەوە مەلا نادر کە ئەو ڤیدیۆیەی بڵاوکردەوە ئاماژەى بەوەدا، تائێستا هیچ بریارێکی دەستگیرکردنی بۆ نەهاتووە و ئامادەیە بچێتە بەردەم دادگا و پێی وایە قسەیەکی نەکردووە شایەنی ئەوەبێت مامەڵەیەکی وای لەگەڵ بکرێت، چونکە بابەتێکی زانستیە و چەند کەسێکی زانستی لە کەناڵەکانی ڕاگەیاند ئاماژەی پێداوە و سەرۆکی چین و ئەمریکاش قسەی  لەسەر کردووە.  . دەشڵێت، بە دەستێکی سیاسی دەزانم و لەپشتی ئەم قسانەی منەوە وروژێنراوە،  چونکە من یەکەم کەس بووم ڕامگەیاند پێویستە گوێ لە وەزارەتی ئەوقاف و یەکێتی زانایانیش نەگیرێت و نوێژی جەماعەت ڕابگیرێت چونکە تەندروستی مرۆڤ لەپێش هەموو شتێکەوەیە، دواتر من تەنها زانیاریەکم وتووە ئیتر خەڵک گوێم لێ ئەگرێ یان نا ئەوە ناهێنێت دادگا داوام لەسەر تۆماربکات، خۆ من بەرپرسی 31ی ئاب و ڕیفراندۆم نیم تا بەوجۆرە مامەڵەم لەگەڵ بکرێت.  . مەلا نادر جەختی کردەوە لە ئامادەبوونی لەبەردەم دادگا و پێی وایە حکومەت و دادگا دەبێت مەمنوون بێت بەو ڕادەیە کاریگەریم هەبووە لە مانەوەی هاوڵاتیان لە ماڵەکانیان و پێشی وایە خۆئامادەکردنی پێشوەختە بۆ ئەو ڕوداوانەی بەسەر میللەتی کورد هاتووە لە ڕابردوو ئەگەر کەم تەرخەمی تێدانەکرایە بەو ڕێژەیە زیانی نەدەبوو.  . لەو چوارچێوەیەشدا، فەرەیدون غەریب، بەرێوەبەری ئەوقافی سلێمانی بە ناس کوردی ڕاگەیاند، "زانیاریم نییە لەسەر دەستگیرکردنی مەلا نادر بەڵام حەق وایە دەستگیربکرێت " . فەرەیدون غەریب وتیشی، پشتگیری لەو مامۆستا ئاینیە ناکەین چونکە قسەی ناڕاست و درۆی بڵاوکردووەتەوە، چۆن دەبێت لەناو ئەو هەموو مامۆستا ئاینیە بەتەنها هەڵسێت بە بڵاوکردنەوەی زانیاری ناڕاست.  . "دەنگۆی گازی سارین لە چەند پێگەیەکی عەرەبی بڵاوبۆیەوە کە ڕێگا خۆشکەر دەبێت لە بڵاوبوونەوەی ڤایرۆسی کۆرۆنا بەڵام ئەم هەستاوە زانیاریەکەشی بە هەڵە گواستووەتەوە و باسی لە سیانیدی غەردەل دەکات کە گازێکی ژەهرەو لە هەڵەبجە بەکارهێنرا" فەرەیدوون غەریب وای وت .    . بەرێوەبەرایەتی ئەوقافی سلێمانی سەڕەرای پشتگیری نەکردنیان بۆ ئەو مامۆستا ئاینیە ئاماژە بەوەدەدەن سەرجەم مامۆستا ئاینیەکانی سلێمانی بەشێوەیەکی باش پابەندی بارودۆخەکە بوونە و ئەو کارەشی بە خۆدەرخستن ناوزەند کرد.  

کەناڵی ناس کورد لە تێلیگرام جۆین بکە