گه‌ڕان

Shadow Shadow
سیاسه‌تی

وەزارەتی کارەبا: بەداخەوە لە بازگەکاندا ڕێگری لە هاتووچۆی کارمەندەکانمان دەکرێت

2020.04.06 - 15:11
App store icon Play store icon Play store icon
وەزارەتی کارەبا: بەداخەوە لە بازگەکاندا ڕێگری لە هاتووچۆی کارمەندەکانمان دەکرێت
  ناس کورد- وەزارەتی کارەبای هەرێم رایگەیاند، لە مەفرەزە و بازگەکاندا ڕێگە لە تیمە ئێشکگرەکانیان دەگیرێت هاتوچۆ بکەن بۆ ڕاپەڕاندنی کارەکانیان و داوادەکات، هاوکاری تیمەکانیان بکرێت و ڕێگرییان لینەکرێت، چونکە ئەوانیش لە ئەرکدان و پێویستیان بە هاتوچۆیە. . لە ڕاگەیەندراوێکدا وەزارەتی کارەبای هەرێم ئاماژەى بەوە کرد :"به‌داخه‌وه‌ له‌ هه‌ندێك له‌ مه‌فره‌زه‌ و بازگه‌كان گرفت بۆ هاتووچۆى کارمەندەکانمان دروستكراوه‌، كه‌ به‌شێوه‌ى ئێشكگر ده‌وام ده‌كه‌ن، ئه‌وه‌ش مه‌ترسى ئه‌وه‌ى لێده‌كه‌وێته‌وه‌ كه‌ گرفت بۆ سیستمى كاره‌با دروست ببێت و كه‌موكورتى بكه‌وێته‌ خزمه‌تگوزارییه‌كان، کە دواجار گرفت بۆ پرۆسەى بەرەنگاربوونەوەی ڤایرەسی کۆرۆنا دروست دەکات". . ئاماژە بەوەشكراوە: "وێراى ده‌ستخۆشیمان بۆ هێزه‌كانى ناوخۆ، بۆ راپه‌راندنى كاره‌كانیان له‌ قه‌ده‌غه‌كردنى هاتووچۆ و پاراستنى گیانى هاووڵاتیانی كوردستان له‌ مه‌ترسییه‌كانى ڤایرۆسى كۆرۆنا، داواكارین له‌سه‌رجه‌م هێزه‌كانى ناوخۆ كه‌ هاوكارى تیمه‌كانى چاكسازیى و كۆنترۆڵه‌كان و وێستگه‌كانی كارەبا بكه‌ن بۆ هاتوچۆ و راپه‌راندنى كاره‌كانیان له‌ پێناو دابینكردنى خزمه‌تگوزارى كاره‌با بۆ نه‌خۆشخانه‌ و داموده‌زگا گرنگه‌كانى حكومه‌ت و هاوڵاتیان كه‌ ئێستا له‌ ماڵه‌كانیان ماونەتەوە". .   وەزارەتی کارەبا ئەوەشی خستووەتەڕوو، ئه‌و رێیگریانە له‌كاتێكدایه‌ كه‌ به‌سوپاسه‌وه‌ وه‌زیرى ناوخۆ و پارێزگاره‌كان رایانگه‌یاندوه‌ كه‌ قه‌ده‌غه‌ى هاتووچۆ كارمه‌نده‌ ئێشكگره‌كانى كاره‌با ناگرێته‌وه‌. .

کەناڵی ناس کورد لە تێلیگرام جۆین بکە