گه‌ڕان

Shadow Shadow
سیاسه‌تی

عەدنان زورفى: پاشەکشەم ناکەم و داواى متمانەدان بە کابینەکەم دەخەمە بەردەم پەرلەمان

2020.04.04 - 09:25
App store icon Play store icon Play store icon
عەدنان زورفى: پاشەکشەم ناکەم و داواى متمانەدان بە کابینەکەم دەخەمە بەردەم پەرلەمان
ناس کورد- کاندیدى ڕاسپێردراو بۆ پێکهێنانى حکومەتى نوێ عێراق ڕایدەگەیەنێت، لەهەوڵەکانى بۆ وەرگرتنى شەرعیەتى پەڕلەمانى بۆ کابینەکەى پاشەکشەناکات و بەردەوام دەبێت، داوایەکیش بۆ ئەو مەبەستە دەخاتە بەردەم پەڕلەمان. . لەڕاگەیەنراوێکدا عەدنان زورفى ڕاسپێردراو بۆ پێکهێنانى کابینەى نوێى حکومەتى عێراق ڕایگەیاندووە، سوورە لەسەر پێشکەشکردنى داوایەکى فەرمى بۆ پەڕلەمان بەمەبەستى گرێدانى کۆبونەوەیەک بۆ متمانەدان بە کابینەکەى . . ئاماژەى بۆ ئەوەشکردووە، دامەزراندنى حکومەتێکى نیشتیمانیى پێویستى بەوەرگرتنى شەرعیەتى پەڕلەمانى هەیە ئەوەش دواى وتویژکردن لەگەل لایەنە سیاسیەکان لەپێناو خواست و داواکارییەکانى شەقامدا.   زورفى جەختى لەوەشکردووەتەوە، داواى لێبوردن ناکات و دەستهەڵناگرێت لەتەواوکردنى ئەرکەکەى بۆ پێکهێنانى کابینەکەى " کۆڵنادەم لەسەر ڕاسپاردنە دەستورییەکەم و کەمتەرخەمى لێناکەم و گەر لایەنەسیاسیەکان پشتیوانم بن سەردەکەوم لەکارەکەمدا". . زورفى ئاماژەى بۆ ئەوەشکردووە، بژاردەکە لەبەردەم ئەندامانى پەڕلەمان و لایەنە سیاسیە نیشتیمانیەکاندا ماوە بۆ متمانەدان بە پشتیوانیکردنى شەقام و سازان و خواستى مەرجەعیەت بۆ پێکهێنانى کابینەکە. . لاى خۆشیەوە وەزیرێکى حکومەت بەمیدیاکانى عێراقى ڕاگەیاندووە، زورفى بەردەوامە لەوتوێژەکانى بۆ تەواو کردنى کابینە وەزارەییەکانى و خستنە بەردەمى پەڕلەمان بەشێوەیەکى دەستورى. . ئەوەش لەکاتێکدایە، چەند لایەنێکى شیعە بەئاشکرا دژایەتى خۆیان بۆ دانانى زروفى ڕاگەیاندو چەند ڕۆژێک لەمەوبەریش فەرماندەى فەیلەقى قودسى ئێران سەردانى چەند سەرکردەیەکى شیعەى کرد لەبەغدا بەمەبەستى فشار خستنە سەریان بۆ ڕەتکردنەوەى زروفى.

کەناڵی ناس کورد لە تێلیگرام جۆین بکە