بڕی ئەو پارانە ئاشكراکرا کە وەک هاوکاری بۆ ڕووبەڕووبوونەوەی کۆرۆنا دراوەتە حکومەت

ناس کورد- حکومەتی هەرێمی کوردستان ئەو بڕە پارەیەی ئاشکراکرد کە تا ئێستا بە کەمپینی (بەیەکەوە بەهێزترین)ی تایبەت بە رووبەڕووبوونەوەی کۆرۆنا بەخشراوە  کە بڕەکەی زیاتر لە 18 ملیۆن دۆلارە و  هاوکات ناو و بڕی پارەی ئەو کەسانەشی ئاشکراکرد کە بەشدارییان لە کەپینەکەدا کردووە. ، لە ڕونکردنەوەکەدا هاتووە: ، لە چوارچێوەی کۆکردنەوەی کۆمەک وهاوکاری بۆ رووبەرووبوونەوەی ڤایرۆسی کۆرۆنا لە هەرێمی کوردستان، حکومەتی هەریمی کوردستان کەمپینی ( بەیەکەوە بەهێزترین) بۆ کۆکردنەوەی هاوکاری و بەخشین راگەیاند. ، بڕی ئەو پارەیەی تا ئێستا بە کەمپینەکە بەخشراوە بریتییە لە 18 ملیۆن و 183 هەزار و 175 دۆلار. ، پێشتر، مەسرور بارزانی، سەرۆکی حکومەتی هەرێمی کوردستان بڕیاریدا مووچە و شایستە داراییەکانی خۆی بە هەڵمەتی رووبەڕووبوونەوەی ڤایرۆسی کۆرۆنا و هاوکاریکردنی هاووڵاتییانی کەمدەرامەت ببەخشێت و هەروەها جێگری سەرۆکوەزیران و وەزیرەکان و ئەوانەی بە پلەی وەزیرن  بڕیاریاندا نیوەی مووچە و دەرماڵەی دوو مانگی خۆیان ببەخشن. ،، کەمپینی (بەیەکەوە بەهێزترین)ی تایبەت بە رووبەڕووبوونەوەی کۆرۆنا  بەردەوامە و دەتوانن هاوکاری و بەخشینەکانتان بۆ ئەم ژمارە بانکیانە بنێرن کە تایبەتن بەم کەمپینەوه : ، بانکی منارەی حکومی ژمارەی حیساب:  493 ، بانکی ئەهلی ئارتی ( RT ) ژمارەی حیساب:  47186 ، بۆ زانیاری زیاتر پەیوەندی بەم ژمارە تەلەفۆنانەوە بکەن: ، 07705590001 ، 07501751911