گه‌ڕان

Shadow Shadow
سیاسه‌تی

سۆران عومەر: حکومەت پاشەکەوت بە جۆرێکی نوێ دەکات

2020.03.31 - 23:37
App store icon Play store icon Play store icon
سۆران عومەر: حکومەت پاشەکەوت بە جۆرێکی نوێ دەکات
ناس کورد- ئەندامێکی فراکسیۆنی کۆمەڵ لە پەرلەمانی کوردستان دەڵێت، حکومەت ناوێرێت پرسی پاشەکەوتی موچە بهێنێتەوە ئاراوە هەربۆیە بە جۆرێکی دیکە ئەو کارە دەکات و 45 ڕۆژ جارێک موچە دابەش دەکات، دەشڵێت، پێویستە حکومەت دەستلەکاربکێشێتەوە.  . سۆران عومەر، ئەندامی فراکسیۆنی کۆمەڵ لە پەرلەمانی کوردستان لە هەژماری تایبەتی خۆی لە فەیسبووک نوسیویەتی: "حکومەتی ھەرێم بۆ موچەی مانگی 1ی ساڵی 2020 نیەتێکی خراپی ھەیە، بە بەھانەی دابەزینی نرخی نەوت گوایە ناتوانێ موچە بدات، ناشوێرێ وشەی پاشەکەوت و کەمکردنەوەی موچە بێنێتەوە ئارا". . ئاماژەی بەوەشکردووە، بەپێی زانیارییاکانی حکومەت دەیەوێت دەستکاری ڕۆژەکانی مانگ و مانگەکانی ساڵ بکات، واتە مانگ لە 30 ڕۆژەوە بکات بە 45 -50  ڕۆژ ئەوکات یەک موچە بدات، بەو پێیە لەمساڵدا کە هەشت مانگ ماوە تەنھا پێنج موچەی دیکە دەدات. . سۆران عومەر ئەوەشی خستووەتەڕوو، ئەوەش فەزیحەی پاشەکەوتە بەفێڵ و ناوێکی دیکەو سەلمێنەری شکستی حکومەت و ئەنجام نەدانی چاکسازی حەقیقیە لەو دزی و تاڵانیەی خۆیان. . ئەو ئەندامەی فراکسیۆنی کۆمەڵ دەشڵێت: "ئەم حکومەتە بەو جۆرە موچەی موچەی موچەخوراوان بدات پێویستە دەست لەکاربکێشێتەوە". . دەنگۆی دووبارە کەمکردنەوەی موچەی فەرمانبەران لەکاتێکدایە، ئەمڕۆ ڕێبەری ئەحمەد، وەزیری ناوخۆی هەرێم ڕەتیکردەوە حکومەت نیازێکی لەوجۆرەی هەبیت و وتی، بەهیچ شێوەیەک حکومەت بیری لە دەستکاریکردنی موچەی فەرمانبەران نەکردووەتەوە.   

کەناڵی ناس کورد لە تێلیگرام جۆین بکە