کێ دەتوانێت لە ماوەى درێژکردنەوەى قەدەغەکردنی هاتوچۆدا بچێتە دەرەوە؟

ناس کورد- پاش ئەوەی ئەمڕۆ سێشەممە وەزارەتی ناوخۆی هەرێم قەدەغەی هاتوچۆی تاوەکو 10ی نیسان درێژکردەوە، لە نوسراوێکدا پوختەی بڕیارەکانی بڵاوکردەوە و بەگوێرەی نوسراوەکە لە 1ی نیسان و بۆ ماوەی 72 کاتژمێر ڕێگەی هاتوچۆ بە هەندێک خێزان دەدرێت. . بەپێی بڕیارەکە، ئه‌و خێزانانه‌ی له‌ ناو هه‌رێمن و به‌ هۆی قه‌ده‌غه‌ی هاتوچۆ له‌یه‌ك دابڕاون له‌ كاتژمێر 1ی شه‌وی 1ی نیسان بۆ ماوه‌ی 72 كاتژمێر رێگەیان پێ ده‌درێت بگه‌ڕێنه‌وه‌ ماڵه‌كانی خۆیان له‌ نێوان پارێزگا و ئیداره‌ سه‌ربه‌خۆكان به‌ مه‌رجێك رێگه‌ پێدانیان پێ بدرێت به‌ پێی ئه‌و میكانیزمه‌ی له‌ نوسراوەکەی وەزارەتی ناوخۆدا دیاری كراوه‌.  .  بڕیارەکانی وەزارەتی ناوخۆ: .

1. درێژكردنه‌وه‌ی ماوه‌ی قه‌ده‌غه‌ی هاتوچۆ بۆ ماوه‌ی (10) رۆژ و به‌رده‌وامبوونی تا 10ی نیسانی 2020.
2. له‌ نێوان كاتژمێر (1) تا (6)ی به‌ره‌به‌یانی ته‌نیا رێگه‌ به‌ ئۆتۆمبێلی ئه‌مبوڵانس، هێزه‌ ئه‌منییه‌كان و بارهه‌ڵگره‌كانی تایبه‌ت به‌ گواستنه‌وه‌ی خۆراك ده‌درێت.

.

3. ده‌سه‌ڵات ده‌درێت به‌ یه‌كه‌ ئیدارییه‌كان بۆ رێكخستنی رێگه‌پێدان به‌ كردنه‌وه‌ی هه‌ندێك شوێنی پێویست بۆ خزمه‌تی هاووڵاتیان و هاتوچۆی جوتیار و خاوه‌ن كێڵگه‌ په‌له‌وه‌رییه‌كان و هه‌ر سێكته‌رێك كه‌ پێویست بێت.

.

4. هاوچۆی پیاده‌ قه‌ده‌غه‌یه‌، ته‌نیا له‌ حاڵه‌تی دابینكردنی پێداویستی رۆژانه‌ و حاڵه‌تی نه‌خۆش نه‌بێت.

.

5. لیژنه‌ تایبه‌تمه‌نده‌كان كاری رێگه‌پێدان بۆ حاڵه‌تی زۆر پێویست له‌ سنووری هه‌ر پارێزگا و ئیداره‌یه‌كی سه‌ربه‌خۆ به‌ گوێره‌ی فۆرمێكی تایبه‌ت رێكده‌خه‌ن.

.

6. وه‌زاره‌تی ناوخۆ و به‌ڕێوبه‌رایه‌تی گشتیی دیوان ئه‌م رێگه‌ پێدانانه‌ ده‌دات:

. - رێگه‌پێدانی كۆمپانیا نه‌وتییه‌كان، به‌ هه‌ماهه‌نگی وه‌زاره‌تی سامانه‌ سرووشتییه‌كان. . - رێگه‌پێدانی كۆمپانیای په‌یوه‌ندییه‌كان به‌ هه‌ماهه‌نگی له‌گه‌ڵ وه‌زاره‌تی گواستنه‌وه‌ و سه‌رپه‌رشتیاری یه‌كه‌ ئیدارییه‌كان. . - رێگه‌پێدانی نێوان پارێزگا و ئیداره‌ سه‌ربه‌خۆكان به‌ ره‌زامه‌ندی و هه‌ماهه‌نگی له‌گه‌ڵ پارێزگار و سه‌رپه‌رشتیاری ئیداره‌ سه‌ربه‌خۆكان. .

7. هاتوچۆ له‌ نێوان پارێزگاكان به‌ هه‌موو شێوه‌یه‌ك راده‌گیرێت و ئه‌گه‌ر زۆر حاڵه‌ته‌كه پێویست بوو، به‌ پێی خاڵی پێنجه‌م رێكاری بۆ ده‌گیرێته‌ به‌ر.

.

8. هه‌ر كارمه‌ندێكی ئه‌منی راسپێردراو به‌ جێبه‌جێكردنی رێكاره‌كانی سه‌ره‌وه‌ كه‌مته‌رخه‌می بنوێنێت، یان پێشێلی بكات، ئه‌گه‌ر له‌ ئه‌ركدا نه‌بێت به‌ (5) رۆژ به‌ندكردن سزا ده‌درێت.

.

9. هه‌ر لیژنه‌یه‌ك رێگه‌پێدانێك بدات به‌ بێ ئه‌وه‌ی پێویست بێت، ئه‌گه‌ر ئه‌ندامه‌كه‌ی له‌سه‌ر راژه‌ی هێزه‌كانی ئاسایشی ناوخۆ بێت، به‌ هه‌مان بڕگه‌ی سه‌ره‌وه‌ سزا ده‌درێت و ئه‌گه‌ر له‌سه‌ر راژه‌ی شارستانی بێت سزای سه‌رنجڕاكێشان و دوورخستنه‌وه‌ی له‌ پۆسته‌كه‌ی ده‌درێت.

.

10. هیچ فه‌رمانبه‌ر یان ئه‌فسه‌ر یان كارمه‌ندێك كه‌ له‌ پارێزگاكانی تری عێراق خزمه‌ت ده‌كه‌ن رێگایان پێ نادرێت بگه‌ڕێنه‌وه‌ هه‌رێمی كوردستان تا 10ی نیسانی 2020. ئه‌گه‌ر دانیشتووی هه‌رێمی كوردستانیش بن.

.

11. هه‌ر كه‌سێك به‌ركه‌وته‌ی كه‌سێكی تووشبووی كۆرۆنا بێت، ده‌بێت كه‌ره‌نتین بكرێت بۆ ئه‌و ماوه‌یه‌ی وه‌زاره‌تی ته‌ندروستی ده‌ستنیشانی كردووه‌.

.

12. ده‌روازه‌ سنوورییه‌كان و فڕۆكه‌خانه‌كان به‌ رووی گه‌شتیاراندا داخراو ده‌بن و هیچ كه‌سێك به‌ بێ ره‌زامه‌ندی وه‌زیری ناوخۆ رێگه‌ی پێ نادرێت بگه‌ڕێته‌وه‌ هه‌رێم و دوای ره‌زامه‌ندی و گه‌ڕانه‌وه‌شی ده‌بێت كه‌ره‌نتین بكرێت و جموجۆڵی بازرگانیش له‌ ده‌روازه‌كان به‌رده‌وام ده‌بێت.

.

13. ئه‌و خێزانانه‌ی له‌ ناو هه‌رێمن و به‌ هۆی قه‌ده‌غه‌ی هاتوچۆ له‌یه‌ك دابڕاون له‌ كاتژمێر 1ی شه‌وی 1ی نیسان بۆ ماوه‌ی 72 كاتژمێر رێگەیان پێ ده‌درێت بگه‌ڕێنه‌وه‌ ماڵه‌كانی خۆیان له‌ نێوان پارێزگا و ئیداره‌ سه‌ربه‌خۆكان به‌ مه‌رجێك رێگه‌ پێدانیان پێ بدرێت به‌ پێی ئه‌و میكانیزمه‌ی له‌ نوسراوەکەی وەزارەتی ناوخۆدا دیاری كراوه‌.

.

14. سەرجەم ماركێت، نانه‌واخانه‌ و ئه‌و شوێنانه‌ی بۆ خزمه‌تی هاووڵاتیان رێگه‌پێدراون له‌ نێوان (11)ی شه‌و تا (6)ی به‌یانی داده‌خرێن، جگه‌ له‌ ده‌رمانخانه‌ی ئێشكگر و ئه‌وانه‌ی به‌ مه‌به‌ستی بڕگه‌ی دووه‌م رێگه‌پێدراو كراوه‌ ده‌بن.

.

15. هاتوچۆی ئاژانس و رێكخراوه‌كانی (UN) و هاوپه‌یمان و هاتوچۆی بازرگانی له‌ نێوان پارێزگاكان و ئیداره‌ سه‌ربه‌خۆكان رێگه‌پێدراوه‌.

.

16. له‌ كاتی وه‌رگرتنی مووچه‌ یان وه‌رگرتنی ناو پێویسته‌ مه‌ودای نێوان دوو كه‌س له‌ مه‌تر و نیوێك كه‌متر نه‌بێت، به‌ مه‌به‌ستی به‌ریه‌ك نه‌كه‌وتن.

.

17. ئاڵوگۆڕی گشت هێزه‌ ئه‌منییه‌كان ئه‌وانه‌ی له‌ ئه‌ركدان له‌ ناو سنووری هه‌ر پارێزگا و ئیداره‌یه‌كی سه‌ربه‌خۆ به‌ هه‌ماهه‌نگی له‌گه‌ڵ ژووری ئۆپراسیۆنه‌كان ده‌كرێت، به‌ڵام له‌ نێوان پارێزگا و ئیداره‌ سه‌ربه‌خۆكان هیچ ئاڵوگۆڕێك ناكرێت.

.    

کەناڵی ناس کورد لە تێلیگرام جۆین بکە