تەندروستیی هەولێر: بۆ بەرزکردنەوەی بەرگرییان شەربەتی پرتەقاڵ و لیمۆ دەدەین بە نەخۆشانی کۆرۆنا [ڤیدیۆ]

ناس کورد- بەڕێوەبەرایەتی تەندروستیی هەولێر ڕایگەیاند، بەمەبەستی بەرزکردنەوەی بەرگریی لەشی نەخۆشانی کۆرۆنا ڕۆژی دوو جار شەربەتی سروشتیی پرتەقاڵ و لیمۆیان  پێدەدرێت. . لە ڕاگەیەندراوێکدا بەڕێوەبەرایەتی تەندروستیی هەولێر ڕایگەیاند: " بۆ مەبەستی بەرزکردنەوەی بەرگری لەشی تووشبوانی ڤایرۆسی کۆڕۆنا بڕیارمانداوە بە دابینکردنی شەربەتی سروشتی بۆ نەخۆشان کە لە نەخۆشخانەکەن". . ئاماژە بەوەشکراوە: "شەربەتەکە پێکهاتووە لە (پڕتەقال و لیمۆ) کە لە ڕووی زانستیەوە فیتامین(C)  تێدایە و ڕۆژی دوو جار لە بەیانیان و ئێواران پێیان دەدرێت". . ئەوەش هاتووە: 'ئەمەش دوای ئەوە دێت کە توشبووان لە ژێر چاودێری پزیشکیدان و بۆ زووتر چاکبونەوەیان پاڵپشت بەچارەسەرەکان بڕیاردرا کە ڕۆژێکدا بۆ دوجار ئەو شەربەتەیان پێبدرێت". . لەئێستادا کۆی گشتیی توشبووانی کۆرۆنا لە هەرێمی کوردستان 150 کەسە و لەو ژمارەیەش 56 کەس چاکبوونەتەوە و دوو کەسیش گیانیانلەدەستداوە. . https://www.facebook.com/erbilhealth/videos/2718305375116329/

کەناڵی ناس کورد لە تێلیگرام جۆین بکە