گه‌ڕان

Shadow Shadow
سیاسه‌تی

سوریای دیموكرات و هاوپەیمانانی نێودەوڵەتی لەسەر خەتن

ژمارەیەك لەچەكدارانی داعش لەزیندانێكی حەسەكە دوای نانەوەی پشێوی هەڵهاتن

2020.03.30 - 15:18
App store icon Play store icon Play store icon
ژمارەیەك لەچەكدارانی داعش لەزیندانێكی حەسەكە دوای نانەوەی پشێوی هەڵهاتن

کەناڵی ناس کورد لە تێلیگرام جۆین بکە   

ناس کورد-    ڕوانگەی سوری بۆ مافەكانی مرۆڤ و چەند سەرچاوەیەكی بەرپرس لەڕۆژئاوای كوردستانەوە دەڵێن، ئەمڕۆ (دووشەممە) لەلایەن چەكدارانی زیندانیكراوی ناو زیندانی گوێران لەحەسەكە پشێوی و نائارامی دروستكراوە و بەو هۆیەشەوە چەند زیندانیەك هەڵهاتوون. هاوپەیمانانی نێودەوڵەتی و هێزەكانی سوریای دیموكراتیش لەسەر ڕوداوەكە لەسەر خەتن. . ڕوانگەی سوری بۆ مافەكانی مرۆڤ و سەرچاوەیەكی بەرپرس لەڕۆژئاوای كوردستانەوە بەئاژانسی فرانس پڕێسییان ڕاگەیاندووە، چەند كارێكی گێرەشێوێنی و یاخی بوون لەزیندانی گوێران لەشاری حەسەكە لەباكوری خۆرهەڵاتی سوریا كە ئەو زیندانیەش لەلایەن هێزەكانی سوریای دیموكراتەوە بەڕێوەبرێت و چەكدارانی داعش و لایەنگرانی تیرۆریستانی تێدایە. . ئاماژە بۆ ئەوەش كراوە، زیندانیەكان چوونەتە ناو گۆڕەپانی زیندانیەكە ودەستیانداوەتە ئاژاوەگێڕی و زەنگى هۆشداریش لەلایەن هێزە ئەمنیەكانەوە لێدراوە. سەرچاوەكان باسیان لەوەش كردووە، بەهۆی دروستكردنی ئەو پشێوییەوە چەند داعشێک توانیانە لەو زیندانە هەڵبێن و لەئێستاشدا گەڕان بەدوایاندا بەردەوامە. . بەپێی سەرچاوەكان، دوابەدوای ڕوداوەكە فڕۆكەكانی هاوپەیمانی نێودەوڵەتی بەسەر ئاسمانی ناوچەكە دەسوڕێنەوە. لای خۆشیەوە، كۆلۆنێڵ مایڵز، وتەبێژی هاوپەیمانی نێودەوڵەتی ڕایگەیاندووە، هێزەكانیان یارمەتی هاوپەیمانەكانیان لەهێزەكانی سوریای دیموكرات دەدەن بۆ چاودێریكرنی ئاسمانیی بەمەبەستی كۆنترۆڵكردنی دۆخی ئەو پشێوییە لەو زیندانەدا. . ئاماژەی بۆ ئەوەش كردووە، هەڵهاتووەكان تەنها چەكدارن و پلەداری زیندانیكراوی داعش نین لەو زیندانیەدا. ڕوانگەی سوری بۆ مافەكانی مرۆڤیش دەڵێت، ئەوانەی هەڵهاتوون بریتین لە4  كەس و داعشەكان بەو كارە تێكدەرانە هەستاون لەناو زیندانەكەدا. لەسەر ڕوداوەكەش، مستەفا بالی، وتەبێژی هێزەكانی سوریای دیموكرات لەتوێتێكی دا نوسیویەتی " زیندانیەكان دیواری ناوەوەی زیندانەكەیان شكاندووە و دەرگاكانیان لێكردووەتەوە". . وتوشییەتی، دۆخی ناو زیندانەكە گرژی تێكەوتووە و هێزەكانی بەرەنگاریش هەوڵی كۆنترۆڵكردنی دەدەن و هێزی زیاتریشیان بۆ پاڵپتشتیكردنی هێزەكانی دژە تیرۆر ڕەوانەی زیندانەكە كردووە. بەپێی ڕوانگەی سوری بۆ مافەكانی مرۆڤ، زیاتر لە 5 هەزار زیندانی كە هەمە ڕەگەزن و پەیوەندییان بەداعشەوە هەیە لەو زیندانەدا زیندانین. .