ناس کورد-
بەڕێوەبەرایەتی تەندروستیی هەولێر چاکبوونەوەی توشبوویەکی دیکەی کۆرۆنای ڕاگەیاند، بەوەش ژمارەی چاکبووان لەو پارێزگایە بووە شەش کەس و لە هەرێمیش بووە 56 کەس.
.
لە ڕاگەیەندراوێکدا بەڕێوەبەرایەتی تەندروستیی هەولێر ڕایگەیاند: " یەکێکیتر لە نەخۆشانی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبووەوە و باری تەندروستی تەواو جێگیر بۆتەوە و کۆتا پشکنینی نێگەتیڤ بووە".
.
ئاماژەی بەوەشکردووە، بەوەش کۆی گشتی چاکبووەکان لە هەولێر گەیشتە شەش نەخۆش، هەروەها لەسەر ئاستی هەرێمی کوردستان 56هەمین نەخۆشە چاکبووبێتەوە.
.
لەئێستادا کۆی گشتیی توشبووانی کۆرۆنا لە هەرێمی کوردستان 150 کەسن و لەو ژمارەیەش دوو نەخۆش گیانیانلەدەستداوە کە نەخۆشی درێژخایەنیان هەبووە.
.
