گه‌ڕان

Shadow Shadow
سیاسه‌تی

وتەبێژى حکومەتى هەرێم وەڵامى فراکسیۆنى گۆڕانى دایە زۆر بێ ویژدانانە دەستیان بە موزایەدەکردن کردووە

2020.03.27 - 20:14
App store icon Play store icon Play store icon
وتەبێژى حکومەتى هەرێم وەڵامى فراکسیۆنى گۆڕانى دایە   زۆر بێ ویژدانانە دەستیان بە موزایەدەکردن کردووە

کەناڵی ناس کورد لە تێلیگرام جۆین بکە   

  ناس کورد- وتەبێژى حکومەتى هەرێمى کوردستان وەڵامى فراکسیۆنى گۆڕانى لە بەغدا دایەوە و بەوە تۆمەتبارى کردن کە " زۆر بێ ویژدانانە دەستیان بە موزایەدەکردن کردووە ". . جوتیار عادل، وتەبێژى حکومەتى هەرێمى کوردستان ئاماژەى بەوە کرد "لە کاتێکدا حکومەتی هەرێمی کوردستان بە هەموو توانای خۆی خەریکی پاراستنی هاووڵاتیانی هەرێمە لە ڤایرۆسی کۆرۆنا و  خەڵکێکی زۆریش لە ناوخۆ و دەرەوە ستایشی رێکارەکانی حکومەتی هەرێم دەکەن کە لە پێش زۆر وڵاتانی پێشکەوتووی جیهانە و ئەگەر ئەو رێکارانە و پشتیوانیی سەرۆکی حکومەتی هەرێم نەبووایە ئێستا دۆخی تەندروستی زۆر مەترسیدار بوو . کەچی ئالەم کاتەدا کە پێویست بوو هاوکارانمان لە بزووتنەوەی گۆڕان پشتیوانیی ئەم حکومەتە بکەن کە خۆیان تێیدا بەشدارن و بەهاوبەشی بڕیارمان لە سەر رێکارەکان داوە . کەچی بەداخەوە فراکسیۆنی گۆڕان لە بەغدا ئەمڕۆ زۆر بێ ویژدانانە دەستیان بە موزایەدەکردن کردووە ". . بەگوێرەى وەڵامدانەوەکە "مەسرور بارزانی سەرۆکی حکومەت دەمێکە داوای لە داواکاری گشتی  کردووە کە رێکاری پێویست بگرێتەبەر و لێکۆڵینەوە لەو بانگەشانە بکات کە گوایە بڕی دووسەد و پەنجا ملیۆن دۆلار وەک شیرینی لە کۆمپانیای رۆسنەفت وەرگیراوە . سوپاسی فراکسیۆنی گۆڕانیش دەکەین کە بۆمان ئاشکرا بکەن ئەو کەسە کێیە ئەو پارەیەی وەرگرتووە !". . لە بەشێکى ترى وەڵامەکەدا جوتیار عادل، وتەبێژى حکومەتى هەرێم ئاماژە بە باسوخواسى ئەو ملیار دۆلارەى داهاتى نەوت دەکات کە دەوترێت لە بانکەکانى لوبنان دەستى بەسەردا گیراوە و جەخت لەسەر ئەوە دەکاتەوە ئەوانیش لە رێگەى میدیاوە ئەو دەنگۆیانەیان بیستووە. . وتەبێژى حکومەت ئاماژە بەوە دەکات "سەبارەت بەو یەک ملیار دۆلارەش کە دەڵێن لە بانکەکانی لوبنان دەستی بەسەردا گیراوە . ئێمەش لە رێگەی میدیاکانەوە ئەو دەنگۆیەمان بیست کە سەرچاوەکەی کۆنە وەزیرێکی سەر بەحزبوڵڵا بوو. بەدواداچوونیشمان کرد و دەرکەوت راست نییە . بەڵکو تەنیا بەشە پارەی کۆمپانیاکانی نەوت کە لە هەرێمی کوردستان کار دەکەن لەو حیسابە بانکییەی لوبنان بووە .  بۆیە سوپاسی برادەرانی گۆڕان یان هەر کەسێکی تر دەکەین ئەگەر بەدواداچوون بکەن و راستییەکان بۆ خەڵک روونبکەنەوە. ئەگینا تکایە با بەس بێت موزایەدەکردن و چەواشەکردنی خەڵک . ئێمە وەک هەموو وڵاتانی جیهان لە دۆخێکی سەختداین و پێویستە بەیەکەوە هاوکاربین بۆ تێپەڕاندنی". .