گه‌ڕان

Shadow Shadow
سیاسه‌تی

ڤايرۆسى كۆرۆنا يەكەم حكومەتى لە جيهاندا هەڵوەشاندەوە

2020.03.26 - 17:16
App store icon Play store icon Play store icon
ڤايرۆسى كۆرۆنا يەكەم حكومەتى لە جيهاندا هەڵوەشاندەوە

کەناڵی ناس کورد لە تێلیگرام جۆین بکە   

ناس کورد-   بەهۆى ڕێوشوێنەكانى بەرامبەر ڤايرۆسى كۆرۆنا، پەرلەمانى كۆسۆڤۆ بە زۆرينەى دەنگ "ئالبين كۆرتى" سەرۆك وەزيرانى ئەو وڵاتەى لەسەر كارەكەى لابرد و حکومەتەکەی هەڵوەشایەوە. ، سەرچاوەكانى هەواڵى كۆسۆڤۆ بڵاويانكردوەتەوە، لە درەنگانێكى ڕۆژى چوارشەممە حكومەتى ئەو وڵاتە ڕوخاوە ئەوەش دواى ئەوە دێت كە تەنها يەك مانگە كابينەى نوێ دەسەڵاتى گرتوەتە دەست. ، ڕونيشكراوەتەوە، حزبى هاوبەشى ئيئتلافى دەسەڵاتى ئەو وڵاتە ڕەخنەى لە ڕێوشوێنەكانى حكومەت بۆ ڕوبەڕوبونەوەى ڤايرۆسى كۆرۆنا گرتبوو و داواى كردبوو كە بە دەنگدان متمانەى لێ بسەنرێتەوە. ، ڕۆژى دووشەممەى ڕابردوو سەرۆكوەزيرانى كۆسۆڤۆ قەدەغەى هاتوچۆى ڕاگەياندبوو بە ڕێگەگرتن لە بڵاوبونەوەى ڤايرۆسەكە، ئەوەش دژى خواستى "هاشم تاتشى" سەرۆكى ئەو وڵاتە بوو كە دەيويست حاڵەتى فرياگوزارى نيشتمانى ڕابگەيەنێت. ، كۆرۆڤۆ ساڵى 2008 جيابونەوەى لە سربيا ڕاگەياند و تائێستا هەوڵى ئەوە دەدات كە دانپێدانانى تەواوى نێودەوڵەتى بەدەستبهێنێت، بەڵام سربيا بەردەوام هەوڵ دەدات كە ڕێگرى لەبەردەم هەوڵەكانى ئەو وڵاتە بۆ بونە ئەندام لە دامەزراوە نێودەوڵەتيەكان دروست بكات. ، لەلايەكى ترەوە چەندين وڵات دژى بڕيارەكەى پەرلەمانى ئەو وڵاتە وەستاونەتەوە بۆ لەسەركار لابردنى حكومەت وەك وڵاتەكانى ئەڵمانيا و فەرەنسا، بەڵام لاى خۆيەوە ولايەتە يەكگرتوەكانى ئەمريكا خۆشحاڵى خۆى بە جێبەجێكردنى بڕيارەكە ڕاگەياندوە.