ناس كورد-
حەسەن كەعبى جێگرى سەرۆكى پەرلەمانى عێراق و فەريق روكن "عەبدولئەمير يارەڵڵا" جێگرى سەركردايەتى پرۆسە هاوبەشەكان هۆشدارى دەدەن لە مەترسى ڤايرۆسى كۆرۆنا لەسەر هاووڵاتیانى عێراق.
.
دواى ئەوەى حەسەن كەعبى سەردانى بارەگاى سەركردايەتى پڕۆسە هاوبەشەكانى كرد هەردولا لە راگەیەندراوێکى هاوبەشدا ئاماژەيان بەوەداوە، ئەگەر قەدەغەى هاتووچۆ بەهێز نەسەپێنرێت، ئەوا ڤايرۆسى كۆرۆنا عێراق لەناو دەبات.
.
لە راگەیەندراوەکەدا كە نوسينگەى جێگرى سەرۆكى پەرلەمان بڵاويكردوەتەوە، داوا لە عادل عەبدولمەهدى، سەرۆكوەزيرانى كاربەڕێكەرى عێراق كراوە پەلە بكات لە بەهێزكردنى كەرتەكانى پرۆسەكانى بەغدا لەڕێگەى سوپاوە، ئەوەش لەپێناو بەرەنگاربونەوەى ڤايرۆسى كۆرۆنا و تيرۆر.
.
لاى خۆشيەوە جێگرى سەرۆكى پەرلەمان داواى كردوە، هێزەكانى پرۆسە هاوبەشەكان لەسەپاندنى قەدەغەى هاتووچۆدا بەشداريیان پێ بكرێت.
.
