گه‌ڕان

Shadow Shadow
سیاسه‌تی

دزینی ئۆتۆمبێل زیاد بووە

پۆلیسی هەولێر ئاماری تاوانەكانی چەند مانگی ڕابردووی شارەكەی بڵاوكردەوە

2019.04.06 - 13:27
App store icon Play store icon Play store icon
پۆلیسی هەولێر ئاماری تاوانەكانی چەند مانگی ڕابردووی شارەكەی بڵاوكردەوە

کەناڵی ناس کورد لە تێلیگرام جۆین بکە   

ناس كورد-

پۆلیسی پارێزگای هەولێر ڕێژەی تاوانەكانی ماوەی ڕابردووی شاری هەولێری بڵاوكردەوە و بەپێی ئامارەكانی ئەو بەڕێوەبەرایەتییە، زۆرترین تاوان كە لە چەند مانگی ڕابردوودا ئەنجام دراوە، دزیكردن بووە.

ئەمڕۆ (شەممە) لە كۆنفرانسێكی ڕۆژنامەوانیدا عەبدولقادر محەمەد حەسەن، جێگری بەڕێوەبەری پۆلیسی پارێزگای هەولێر، ئاماری تاوانەكانی چەند مانگی ڕابردووی پارێزگاكەی ئاشكراكرد، كە دوو حاڵەتی كوشتن و نۆ حاڵەتی دزی تیادا تۆمار كراوە و پێنج كەسیش بەتۆمەتی بەكارهێنان و بازرگانیكردن بە ماددەی هۆشبەر دەستگیركراوون.

جێگری بەڕێوەبەری پۆلیسی پارێزگای هەولێر ئاماژەی بەوە كرد،یەكێك لەو تاوانانە تاوانی كوشتنی هاووڵاتییەكە لەسەر كێشەیەكی كۆمەڵایەتی كە یەكێك لەبكوژەكان ئافرەتە و لەئێستادا بكوژەكان بەپێی ماددەی (406) لە یاسای سزادانی عێراقی، بەندن.

روونیشیكردەوە، تاوانی دووەم دوێنێ (هەینی) ڕوویدا، لەناو بازاڕی لەنگەی شاری هەولێر كەسێك بەدستڕێژی گولە خاوەن دوكانێكی دەرمانی سروشی كوشت.

لەكۆنگرە رۆژنامەوانییەكەدا عەبدولقادر محەمەد حەسەن، جێگری بەڕێوەبەری پۆلیسی پارێزگای هەولێر جەختی لەسەر ئەوە كردەوە كە دیاردەی دزیكردن لەو ماوەیەدا زیادی كردووە و لەو ماوەیەدا نۆ تاوانی دزی ئەنجامدراوە كە زۆرێكیان دزینی ئۆتۆمبێل و پارە بووە و هەشت ئۆتۆمبێل لەو ماوەیەدا دزراوە، یاخود فێڵكردن لەهاووڵاتیان و وەرگرتنی پارە لێیان.

هاوكات جێگری بەڕێوەبەری پۆلیسی هەولێر ئاماژەی بەوەكرد، لەو ماوەیەدا پێنج كەس بەپێی ماددەی (14)ی یاسای ماددە هۆشبەرەكان دەستگیراوون، كە بڕێكی زۆر ماددەی هۆشبەرییان لەلا بووە.