گه‌ڕان

Shadow Shadow
سیاسه‌تی

بەشێك لەزیندانیانی سیاسی و چالاكی خۆپیشاندانەكان ناگرێتەوە

بەهۆی ڤایرۆسی كۆرۆناوە ڕابەری باڵای ئێران لێبوردنی گشتی بۆ 10 هەزار زیندانی دەركرد

2020.03.19 - 13:31
App store icon Play store icon Play store icon
بەهۆی ڤایرۆسی كۆرۆناوە ڕابەری باڵای ئێران لێبوردنی گشتی بۆ 10 هەزار زیندانی دەركرد

کەناڵی ناس کورد لە تێلیگرام جۆین بکە   

ناس کورد- ئەنجومەنیی دادوەری ئێران ڕایگەیاند، ڕابەری باڵای وڵاتەكەیان بڕیاری لێبوردنی گشتی بۆ 10 هەزار زیندانی دەركردوە بەڵام بەشێك لەزیندانیانی سیاسی ئەوانەی سزاكەیان لە5 ساڵ سەرووترە ناگرێتەوە. . غوڵام ئیسماعیل، وتەبێژی ئەنجومەنی دادوەری ئێران ڕایگەیاند، عەلی خامنەیی ڕابەری باڵای كۆماری ئیسلامی ئێران لەسەر پێشنیاری سەرۆكی ئەنجومەنی دادوەری بۆ ئازادكردنی ژمارەیەك لەزیندانیان ڕەزامەندبووە و بەبڕیاری لێبوردنەكەی ڕابەری باڵاش نزیكەی 10 هەزار زیندانی دەگرێتەوە. . ئاماژەی بۆ ئەوەش كرد، لێبوردنەكەی ڕابەری باڵای ئێران ئەو زیندانیانە ناگرێتەوە كە سزای زیاتر لە5 ساڵیان بەسەردا سەپێنراوە. . ئاماژەی بۆ ئەوەش كرد، هەموو ئەوانەشی كە پێشتر مۆڵەتدرابوون و بڕیاری لێبوردنەكە دەیانگرێتەوا ئەوا كۆتایی بەسزاكەیان دەهێنرێت و ناگەڕێنەوە بۆ زیندان. . هەفتەی ڕابردووش بەهۆی مەترسی بڵاوبونەوەی ڤایرۆسی كۆرۆنا بەناو زیندانیاندا، ژمارەیەك لەزیندانیانی ئەو وڵاتە مۆڵەتدران بەڵام زیندانیە سیاسیەكانی نەگرتەوە، بەپێی بڕیارە نوێییەكەی ڕابەری باڵاش بۆ لێبوردنی گشتی، ژمارەیەك زیندانیانی سیاسی و چالاكانی خۆپیشاندانەكانی ئەمدوایە ناگرێتەوە. .