گه‌ڕان

Shadow Shadow
سیاسه‌تی

گڵۆڵەى نرخی نەوت بەرەو نزمتر دەچێت.. نزمترین ئاستی تۆمارکرد لە چوار ساڵی ڕابردوودا

2020.03.16 - 19:17
App store icon Play store icon Play store icon
گڵۆڵەى نرخی نەوت بەرەو نزمتر دەچێت.. نزمترین ئاستی تۆمارکرد لە چوار ساڵی ڕابردوودا

کەناڵی ناس کورد لە تێلیگرام جۆین بکە   

ناس کورد- ئەمڕۆ نرخى نەوتى برێنت زیاتر 10%ى نرخەکەى لەدەستدا و نزمترین ئاستى لە ماوەى چوار ساڵدا تۆمارکرد، ئەوەش بەهۆى خستنەڕووى زیاترى نەوت و کەمى خواستەوە کە ئەوەش هاوکاتە لەگەڵ بڵاوبوونەوەى زیاترى ڤایرۆسى کۆرۆنا لە جیهاندا. . بەپێی هەواڵی ئاژانسى فرانس پرێس، نرخى هەر بەرمیلێک نەوتى برێنت کە پێوەرێکى جیهانییە ئەمڕۆ دوشەممە بە 30,22 دۆلار مامەڵەى پێوەکراوە، کە نزمترین نرخە لە شوباتى 2016ەوە تا ئێستا. . هەروەها نرخى نەوتى تەکساس بە 29,18 دۆلار مامەڵەى پێوەکراوە. . نرخى نەوت هەفتەى ڕابردوو دابەزینى بەرچاوى بەخۆوە بینى و خراپترین ئاستى لەماوەى 10 ساڵدا تۆمارکرد و زیاتر لە 30%ى بەهاکەى لەدەستدا. . کریغ ئیرلام، شیکەرەوە لە دامەزراوەى ئواندا هۆشداریدەدات لەوەى نرخى نەوتى برێنت ڕەنگە بۆ کەمتر لە 30 دۆلار دابەزێت. . لاى خۆشیەوە، بیارنى شیلدروب شیکەرەوە لە کۆمپانیاى  "ئیس ئی بى" ڕایگەیاند، خواست و خستنەڕوو بەدوو ئاڕاستەى پێچەوانەدا دەرۆن، ئەوەش فشارى لەسەر نرخى نەوت دروستکردووە. . دبەزینى نرخى نەوت بەهۆى کەمبوونەوەى خواستە لەسەر ئەو وزەیە کەدواى رێوشوێنى حکومەتەکان بۆ رێگرى لە بڵاوبوونەوەى زیاترى کۆرۆنا هاتووەتە ئارا، لەگەڵ کێبڕکێی نرخ لەنێوان وڵاتانى ئۆپیک و ڕوسیا. . هەریەکە لە سعودیە و ئیمارات کە دوو وڵاتى زەبەلاحى نەوتین لەناو ئۆپیکدا، جەنگى نرخیان ڕاگەیاندووە و نیازى خۆیان بۆ خستنەڕووى زیاترى زێڕى ڕەش بۆ بازاڕەکان خستووەتەڕوو، لەدواى ڕەتکردنەوەى پێشنیازى کەمکردنەوەى زیاترى ئاستى بەرهەمهێنان لەلایەن ڕوسیاوە لە شەشى ئازاردا، بە ئامانجى پشتیوانیکردنى نرخەکەى. . فشارەکانى سەر نرخى نەوت زیاتر بووە لەگەڵ بڵاوبوونەوەى زیاترى ڤایرۆسى کۆرۆنا بەتایبەتى لە ئەوروپا کە بازاڕە داراییەکانى سڕکردووە و ترسى لەسەر دابەزینى ئاستى ئابورى جیهانى دروستکردووە.