گه‌ڕان

Shadow Shadow
سیاسه‌تی

دابەزينى نەوت نزيكەى 200 مليار دۆلار زيان لە كۆمپانياكانى ئەمريكا دەدات

2020.03.14 - 23:39
App store icon Play store icon Play store icon
دابەزينى نەوت نزيكەى 200 مليار دۆلار زيان لە كۆمپانياكانى ئەمريكا دەدات

کەناڵی ناس کورد لە تێلیگرام جۆین بکە   

ناس کورد- ئاژانسى بلومبێرگى ئەمريكى ئاشكرايكردوە، دابەزينى نرخى نەوتى خاو بەشێوەيەكى بەرچاو بوەتە هۆى ئەوەى كۆمپانياكانى ئەمريكا 196 مليار دۆلار زيان بكەن. ، ئاژانسەكە ئاماژەى بەوەداوە، دابەزينى نرخى نەوت بەهۆى ئەوەى وڵاتى سعوديە نرخەكەى كەمكردنەوەو نەوتى زياتريش دەخاتە بازاڕەوە، پشكى كۆمپانياكانى ئەمريكاى لە ماوەى هەفتەى پێشودا بەشێوەيەكى بەرچاو دابەزاندوە، پشكى كۆمپانياكانى بوارى وزە %24 دابەزينى بەخۆيەوە بينيوە ئەوەش گەورەترين دابەزينە كە لەساڵى 2008 ەوە تۆمار كرابێت. ، ڕونيشكراوەتەوە، نرخى بازاڕى كۆمپانياكانى ئەمريكا 196 مليار دۆلار زيانى كردوە ئەوەش تەنها هەفتەى پێشوو تا ڕۆژى هەينى، كەرتى وزە لەسەرەتاى 2020 ەوە بەشێيوەيەكى باش دەستى پێكرد، بەڵام ڕێوشوێنەكانى كەرەنتين و قەدەغەكردنى گەشت لەسەرتاسەرى جيهاندا بەهۆى ڤايرۆسى كۆرۆنا داواكارى لەسەر بەرهەمە نەوتيەكان لاواز كرد. ، ئەو ئاژانسە ئەوەشى ڕونكردوەتەوە، هەفتەى ڕابردوو كۆمپانياكانى "ئۆكسيدێنتاڵ"، "ئاپاچى"، ئانوك"، "نۆبڵ ئينێرجى " و هاليبرتۆن" %45ى نرخەكانيان لە بازاڕدا دابەزيوە. ، لەماوەى ڕابردودا بەهۆى كەمبونەوەى خواست لەسەر نەوتى خاو و دابەزاندنى نرخەكەى لەلايەن سعوديەوەو زيادكردنى بەرهەم نرخى نەت هاڕەى كردو بەشێوەيەكى بەرچاو دابەزى و زياتر لە %35ى نرخەكەى لەدەستدا. ، بەوەش چەندين كۆمپانياى جيهانى و چەندين وڵات زيانيان كردوە، يەكێك لەوانەش عێراقە كە زياتر %90ى بوجەى لەداهاتى نەوتى خاوەو شارەزايانيش هۆشدارى دەدەن ئەگەر نرخى نەوت بەو شێوەيە دابەزێت و پلانێكى باش بۆ كەمبونەوەى داهاتى نەوت دانەدرێت، ئەوە كارەساتى ئابورى لە عێراق ڕودەدات.