گه‌ڕان

Shadow Shadow
سیاسه‌تی

دەبێت ئەستۆپاکی پڕبەکەنەوە

هاتوچۆی سلێمانی سزای ئەو کەسانە ئاشکرادەکات کە سەرپێچی قەدەغەی هاتوچۆ دەکەن

2020.03.14 - 19:04
App store icon Play store icon Play store icon
هاتوچۆی سلێمانی سزای ئەو کەسانە ئاشکرادەکات کە سەرپێچی قەدەغەی هاتوچۆ دەکەن

کەناڵی ناس کورد لە تێلیگرام جۆین بکە   

ناس کورد- هەڤاڵ فەتاح   وتەبێژی هاتوچۆی سلێمانی ڕایگەیاند، ئەمڕۆ سەدان موڵەتی شۆڤێری لەو شوفێرانە وەرگیراوە كە سەرپێچی قەدەغەی هاتوچۆیان كردووە و هاتوونەتە دەرەوە، دەشڵێت، هەرکەس مۆڵەتەکەی لێوەربگیرێت دەبێت 40 هەزار دینار بدات و هەر سزایەکی دیکەشی لەسەربێت لێی وەردەگیرێت. . كاروان محەمەد، وتەبێژی بەڕێوەبەرایەتی پۆلیسی هاتووچۆی سلێمانی بەناس کوردی  ڕاگەیاند:" بەهۆی سەرپێچی بڕیاری قەدەغەکردنی هاتوچۆ لە شەقامەکانی شاری سلێمانی، لەلایەن مەفرەزەكانی هاتووچۆوە دەست گێراوە بەسەر نزیکەی  300 مۆڵەتی شۆڤێریدا" . وتیشی: "ئەو شۆڤێرانەی مۆڵەتەكانیان لێ وەرگیراوە، بۆ جاری دووەم ئەو سەرپێچییە دووبارە بکەنەوە و بێنە سەرشەقامەکان دەست بەسەر ئۆتۆمبیلەكەیاندا دەگیرێت". .  وتەبێژی هاتوچۆی سلێمانی ڕاشیگەیاند، ئەوانەی موڵەتی شۆڤێرەکانیان لێی وەرگیراوە لەكاتی وەرگرتنەوەی مۆڵەتەكەیان دەبێت بڕی 40 هەزار دینار سەزا بدەن، هەروەها دەبێت لە بەڕێوەبەرایەتی گشتیی هاتوچۆی سلێمانی ئەستۆپاكی پڕبکەنەوە و هەرچەندە سزاشیان لەسەر بێت وەك سەرپێچی و كامێرا دەبێت سزاكە بدەن". .  کاروان محەمەد ئاماژەی بەوەشکرد، تەنها ڕۆژنامەنووسان، پزیشکان و ئەندامانی تیمەکانی فریاگوزاری ڕێگەیانپێدراوە لە ماوەی قەدەغەکردنی هاتوچۆدا جوڵە بە ئۆتومبێلەکانیان بکەن.