گه‌ڕان

Shadow Shadow
سیاسه‌تی

وەزیری بازرگانی لەڕێگەی ناس کوردەوە دڵنیایی بە هاووڵاتیان دەدات لە دروست نەبوونی قەیرانی خۆراک

2020.03.13 - 18:49
App store icon Play store icon Play store icon
وەزیری بازرگانی لەڕێگەی ناس کوردەوە دڵنیایی بە هاووڵاتیان دەدات لە دروست نەبوونی قەیرانی خۆراک

کەناڵی ناس کورد لە تێلیگرام جۆین بکە   

ناس کورد- شەهرام عەزیز وەزیری بازرگانی هەرێم لەڕێگەی ناس کوردەوە دڵنیایی بە هاووڵاتیانی هەرێم دەدات کە هیچ قەیرانێکی خۆراک لە هەرێم دروست نابێت، دەشڵێت، بەشی سێ مانگ خۆراک لە کۆگاکانی هەرێم هەیە و هەزار و 500 بارهەڵگری پڕ لە خۆراکیش بەڕێوەن، هەر بۆ ئەو پرسەش سبەینێ کۆبوونەوەیەکی بەپەلە ئەنجامدەدەن. ، دوای تەشەنەسەندنی زیاتری ڤایرۆسی کۆرۆنا لە جیهان و هەرێمی کوردستانیش، حکومەتی هەرێم ڕێکارەکانی بەرگرتنی بە ڤایرۆسەکە توندتر کرد و ئەوەش هاووڵاتیانی ترساندووە لە دروستبوونی قەیران و نەمانی خۆراک و پێداویستی. ، لەوبارەیەوە کەمال موسلیم، وەزیری بازرگانی هەرێم لە لێدوانێکی تایبەتتدا بە ناس کوردی ڕاگەیاند: "ئەم دۆخەی ئێستا دروست بووە، تەنها لە هەرێمی کوردستان نییە، بەڵکو لە هەموو جیهان هەیە و هەرێمی کوردستان بەراورد بە هەندێک وڵاتی گەورە بارودۆخی زۆر باشە و حکومەت پێشوەختە و ئەوکاتی کە ڤایرۆسەکە تەنها لە چین بوو ڕێکاری زۆر باشی گرتەبەر". ،   وەزیری بازرگانی وتیشی: "دڵنیایی بە خەڵکی هەرێمی کوردستان دەدەین کە لەمکاتەدا هیچ قەیرانێکی خۆراک لە هەرێمی کوردستان دروست نابێت و پێویست ناکات هاووڵاتیان بشڵەژێن، ئێمە تائێستا بەشەخۆراکی مانگانە کە لە بەغداوە دێت دەدەین بە هاووڵاتیان و بەردەوامیش دەبێت و پێداویستییەکی باشی هاووڵاتیان پڕدەکاتەوە".   ، کەمال موسلیم ئاماژەی بەوەشکرد، لەئێستادا بەشی سێ مانگ خۆراک لە کۆگاکانی هەرێمی کوردستاندا هەیە و فرۆشگا و مارکێتەکان پڕن لە پێداویستی، هەروەها هەزار و 500 بارهەڵگری گەورەی پڕ لە خۆراک لە بەندەر عەباسن و بەرەو هەرێم دێن کە هەریەکەیان 23 تۆن خۆراکی تێدایە و دوێنێ 180 بارهەڵگر هاتووە و ئەمڕۆش ژمارەیەکی دیکە هاتوون و ڕۆژانەش ئەوانەی دیکە دێن. ، وەزیری بازرگانی هەرێم ئاشکراشیکرد، سبەینێ لەگەڵ سەرۆکی ژورە بازرگانییەکانی پارێزگاکانی هەرێم و بازرگانە گەورەکان کۆبوونەوەیەکی فراوان ئەنجامدەدەن، بۆ ئەوەی تاووتوێی ئەوە بکەن، لەم دۆخەدا چ شتێک زیاتر هاوردە بکرێت و کۆنتڕۆڵی دۆخەکە بکەن تا ئاسایی دەبێتەوە. ، دڵنیاییشی دا، هەموو هەوڵێکیان دەدەن کە پێداویستییەکان لە قۆرخکاری دەپارێزن و ڕێگەنادەن هیچ بازرگانێک پێداویستی بشارێتەوە و یاخود گرانی بکەن لەسەر هاووڵاتیان. ، لە کۆتایی لێدوانەکەیدا، وەزیری بازرگانیی هەرێم دوپاتیکردەوە، ئەگەر هاووڵاتیان هاوکار بن، ئەوا بەهیچ شێوەیەک قەیران دروست نابێت و بارودۆخەکە بە ئاسانی تێدەپەڕێندرێت.